"Интер"нинг 19 ёшли янги футболчиси: "ПСЖ ва "Арсенал" менга қизиқиш билдиришган"
07 сен 2017 15:59
Янгиликлар

"Интер"нинг 19 ёшли янги футболчиси: "ПСЖ ва "Арсенал" менга қизиқиш билдиришган"

Ёзги трансфер ойнасида "Канн"дан "Интер"га ўтган ҳужумчи Янн Карамо унга "Арсенал" ва ПСЖ қизиқиш билдиргани ҳақида айтиб берди.

"Бу мен учун янги чақирув, янги футбол ва ўз даражамни яхшилашга умид қиламан. Жамоага келдим ва бу ерда менга ишонишлари муҳим. Хизматларига ПСЖ қизиқиш билдирди, "Арсенал" эса менинг агентларим билан боғланди. "Монако" ва "Лион" томонидан ҳам қизиқиш бўлди, аммо бу клубга ўтишга қарор қилдим.

Италия футболи мен учун янгилик, аммо кўникиб кетишга умид қиламан. Мени ким илҳомлантиради? Кўплаб футболчилар бор. Масалан, Неймар ёки Куарежма, ҳамда Дибала" - дейди Карамо.

"Интер" франциялик футболчи учун 5,5 млн. евро тўлади.

Ҳавола :

Манба : Premium Sport

Янгиликларни Телеграмда ўқинг!

Рейтинг: +1