Илҳом Мўминжонов: “Жиззахдан ютуқ билан қайтишга ҳаракат қиламиз”

ИлҳомМўминжонов: - Биринчи навбатда футболчиларимизни намойиш этган ўйинлари учун катта раҳмат айтаман. Йигитлар қўлларидан келганича ҳаракат қилиб, жамоамизнинг яхши ўйинларидан бирини ўтказишди, деб ўйлайман. Бугун бизга омад етишмади. Азамат Алланиёзов ва Азизбек Турғунбоевлар томонидан йўлланган зарбалардан кейин тўп дарвоза устуни ва тўсинига тегиб қайтди. Бу футбол. Майдон текис, тўп юмалоқ, деб бежизга айтишмайди. Кейинги ўйинларга янада яхшироқ тарзда тайёргарлик кўришда давом этамиз. Ненад Ниьац ҳозирги кунда ўзининг оптимал спорт формасига кира олмаяпти. Гарчи бешта тур ортда қолган бўлсада ҳужумчимиз гол ура олгани йўқ. Бугунги учрашувда у майдонга кичик жароҳат билан тушганди. Унинг ҳаракатларидан қониқиш ҳосил қилмадик. Ўйлайманки, кейинги учрашувларда ўзини кўрсатади деган умиддаман. Ҳимоя чизиғимиздан кўнглим тўлмоқда. Бу хотиржамликка берилишимиз учун сабаб бўлмасада, бешта ўйинда дарвозамиздан атиги иккита тўп ўтказиб юбордик холос. Ўтган мавсумдаги кўрсаткичларимиз ёмонроқ эди. Қандай ҳолат бўлишидан қатъий назар ҳужумчиларимизга гол уриш учун имкониятлар берамиз. Шу пайтга қадар урган голларимизни стандарт вазиятлардан урганмиз. Бугун ҳам жарима зарбаларидан кейин рақиб дарвозамини нишонга олишга уриниб кўрдик. Лекин, бу борада аниқлик етишмади. Олдинда бизни жиддий ўйин кутиб турибди. “Сўғдиёна” билан ўтадиган учрашувга муносиб тарзда ҳозирлик кўрган ҳолда голлар уриб ютуқ билан қайтишга ҳаракат қиламиз. 

БотиралиЭргашев: - Ўйин кескин курашларга бой тарзда ўтди. Рақиб дарвозаси олдида юзага келтирилган вазиятларда бирозгина омадимиз юришмади деб ўйлайман. Ҳимояда бехато ҳаракат қилган бўлсакда, ҳужумларимизни самарали тарзда якунлай олмадик.

"Навбаҳор" матбуот хизмати.