Икарди 9 та ўйиндан сўнг, яна "Интер" машғулотларига қайтди

26 ёшли форвард 13 февралдан бери майдонга тушмай келяпти. Ўша куни аргентиналикдан жамоа сардори боғичи олиб қўйилган ва дарвозабон Самир Ҳандановичга ишониб топширилган эди. 

"Интер" Икардисиз 9та учрашув ўтказди. Расмий сабаб сифатида футболчининг тиззасидан олган жароҳати келтирилмоқда. Навбатдаги баҳсни "Интер" жамоаси Римнинг "Лацио" клубига қарши ўтказади. А Сериянинг 29-тур марказий учрашуви 31 март санасида бўлиб ўтади.