Ҳумо хоккей клуби Pepsi савдо белгиси билан бирга ОАВ ва блогерлар учун махсус тадбир уюштирди

Тадбир 13 декабрь куни, 13.45 да бўлиб ўтди, учрашув жойи – кийим алмаштириш хонаси. Шубҳали эштилади, аммо йўқ – кийим алмаштириш хонасида бизнинг меҳмонларимиз ўз исмлари ёзилган махсус жерсиларни кийишди, конкиларни боғлаб, завқ билан уларни нима кутаётганини билиш учун муз сари отланишди.

Музда эса уларни "Ҳумо" жамоаси ўйинчилари ва бош мураббий Евгений Николаевич Попихин кутар эди. Улар мастер-класс кўрсатишди ва музда учиш машқларини ўргатишди.

Воқеалар қизғин тус олган вақтда шайбани дарвозага уриш бўйича ОАВ ва блогерлар ўртасида эстафета бўлиб ўтди. Барча ҳаракат қилди, йиқилишди ва кўтарилишди... Ниҳоят дўстлик ғалаба қозонди!

Тадбирнинг энг юқори палласи ўзаро фотосессия ва эсдалик совғаларнинг топширилиши бўлди. Pepsi савдо белгиси тадбирда қатнашиб, уни янада ёрқинроқ етган барчага миннатдорчилик билдиради!