Гвардиоланинг "қимматбаҳо" жамоаси Клоппнинг "югурадиган" болларига қарши. Превью

Қуйида турнинг марказий баҳси ҳисобланган "Манчестер Сити" ҳамда "Ливерпуль" жамоалари ўртасидаги ўйинга бағишланган превьюни эътиборингизга ҳавола этамиз.

АПЛ, 4-тур
"Манчестер Сити" – "Ливерпуль"
09.09.2017, 16:30
"Этихад стэдиум"
Бош ҳакам: Жонатан Мосс (Йоркшир).

АПЛнинг дастлабки 3 турида ҳар икки жамоа ҳам 7 очкодан жамғарди. Ғалаба қозонган клуб МЮ ўз ўйинини ўтказмагунча турнир жадвалида биринчи поғонага кўтарилади. Мезбонлар таркибида Компани майдонга туша олмайди, меҳмонларда эса Коутиньо қайдномага киритилмаган.

Гвардиола ҳам, Клопп ҳам ҳужумкор футболни яхши кўришини инобатга олсак, бугунги ўйин чиройли ва голларга бой ўтишини тахмин қилиш мумкин.

Тахминий таркиблар:

"Манчестер Сити": Эдерсон – Уокер, Стоунз, Отаменди, Менди – Фернандиньо – Сане, Д. Силва, Де Брюйне – Жезус, Агуэро.

"Ливерпуль": Миньоле – Арнольд, Ловрен, Матип, Робертсон – Жан, Хендерсон, Вейналдум – Мане, Фирмино, Салах.

Ўйнамайди: Стерлинг – Лаллана, Богдан, Клайн, Ингз, Коутиньо.
Сўроқ остида: Гюндоган, Компани — …

Қизиқ:

- "Манчестер Сити" АПЛда "Ливерпуль"га қарши охирги 8та уй учрашувидан фақат биттасида ютқазган (4 ғалаба, 3 дуранг, 1 мағлубият);
- "Манчестер Сити" АПЛда охирги 23та уй учрашувидан бор йўғи биттасида имкониятни бой берган (13 ғалаба, 9 дуранг, 1 мағлубият);
- Серхио Агуэро "Ливерпуль"га қарши Премьер-лига доирасидаги сўнгги бешта учрашувнинг ҳар бирида гол урган.

Мураббийлар фикрлари:

Хосеп Гвардиола ("Манчестер Сити"): "Ливерпуль"га қарши баҳс қанчалик қийин ўтишини тушунаман. Улар ҳамиша чемпионликка даъвогар бўлиб келишган ва шундайлигича қолади. "Ливерпуль" ва "Манчестер Юнайтед" Англия ва Европадаги энг омадли жамоалардан ҳисобланади".

Юрген Клопп ("Ливерпуль"): "Биз "Манчестер Сити"га ўзлари ўрганган футболни ўйнашга имкон бермаслигимиз керак. Бу амалга оширишимизга тўғри келади. Бу "Сити" учун оддий ўйин бўлмайди. Биз кўп ҳимояланишимизга тўғри келади. Ҳар икки клуб қарши ҳужумда жуда кучли".


Англия Премьер-лигаси турнир жадвали >>> АПЛ