Германия президенти: "Жаҳон чемпионати осон бўлмади, дам олиш вақти келди"

Германия президенти Франк-Вальтер Штайнмайер ЖЧ-2022нинг плей-офф босқичига чиқа олмаган миллий терма жамоага мурожаат қилди.

"Азиз жамоа, биз учун Жаҳон чемпионати осон бўлмади. Албатта, биз бажонидил сизга мухлислик қилишда давом этган бўлардик. Чуқур нафас олиб, бироз дам олиш ва янги куч билан навбатдаги турнирга йўл олиш вақти келди. Бу ишингизда муваффақиятлар тилайман!", – деди Штайнмайер ижтимоий тармоқларда.

"E" гуруҳида Япония 6 очко билан биринчи, Испания 4 очко билан иккинчи ўринни эгаллади ва японияликлар билан бирга мусобақанинг 1/8 финалига йўл олди. 4 очко жамғарган Германия эса тўплар фарқи бўйича испанияликларга имкониятни бой бериб, учинчи ўринда қолди. Коста-Рика охирги, тўртинчи ўринни банд этди (3 очко).