Гакпо январь ойида 30 миллион еврога сотилиши мумкин
01 ноя 2022 15:32
Янгиликлар

Гакпо январь ойида 30 миллион еврога сотилиши мумкин

ПСВ ҳужумчиси Коди Гакпо қишки трансфер ойнасида Нидерландия клубини тарк этиш эҳтимоли мавжуд.

"De Telegraaf" хабарига кўра, ПСВ 23 ёшли футболчини ўзида сақлаб қолмоқчи, аммо молиявий нуқтаи назардан клуб янги таклифни рад эта олмайди. ПСВ январь ойида ҳужумчини 30 миллион еврога сотишга тайёр, чунки жамоа мавсумни ёмон якунламаслик учун зудлик билан трансфер бозорида муваффақиятли юриш қилиши керак.

Аввалроқ Гакпо "Лидс"га ўтишга яқин экани хабар қилинганди. Битимнинг эҳтимолий суммаси 30 миллион фунт (34 миллион евро)га баҳоланганди.

2022 йилнинг ёзида футболчи "Манчестер Юнайтед"га ўтиши мумкин эди, аммо "қизил иблислар" ПСВнинг молиявий талабини қондиришмаган эди.

Гакпо жорий мавсум клуб сафида барча турнирларда 21 та ўйинда қатнашиб, 13 та гол урди ва 14 та голли узатмани амалга оширди.

Ҳавола :

Манба : De Telegraaf

Янгиликларни Телеграмда ўқинг!

Рейтинг: +5