Футзал. Шуҳрат Пўлатов: "Ўзбекистон гуруҳда биринчи бўла олади"

"Айни пайтда мен Малайзияда семинарда иштирок этаяпман. Қуръа ташлаш жараёнини шу ердан туриб катта ҳаяжон билан кузатиб бордим.

Менимча Ўзбекистонга осон бўлмайди. Сабаби бу Осиё чемпионати, унда кучсиз жамоалар иштирок этмайди. Барча жамоалар максимал тайёргарликка эга бўлиб Тошкентга келишади. Лекин шахсий фикрим, Ўзбекистон ўз гуруҳидан биринчи ўрин билан кейинги босқичга чиқа олади. Чунки бизнинг футзалчиларнинг ҳозирги кундаги тажрибаси ва кучи гуруҳдаги жамоалардан анча баланд деб биламан.

Ўзбекистон терма жамоасини Жаҳон чемпионатида кўриш менинг орзуим. Ўйлайманки 2016 йилда бу орзуимга эришаман.

- Гуруҳдаги рақиблар ҳақида нима дея оласиз?
- Ливан ва Қирғизистонга қарши кўп ўйинлар ўтказганмиз. Саудия Арабистони терма жамоаси Осиё чемпионатига илк бор чиқди. Бу жамоа иштирокидаги битта ўйинда ҳакамлик қилгандим. Арабларнинг маҳаллий футзалчилари у қадар кучли эмас. Лекин кўп араб жамоалари ҳозирда чет элик ўйинчиларни терма жамоаларига жалб этиш орқали кучайишмоқда. Асосан бразилияликлар маҳаллийлаштирилмоқда", - дейди ФИФА ҳаками Шуҳрат Пўлатов.

Нарзулла Сайдуллаев ёзиб олди