Футзал. ОАВ диққатига: 9 февраль куни турнир-олди матбуот анжумани ўтказилади
07 фев 2016 13:48
Янгиликлар

Футзал. ОАВ диққатига: 9 февраль куни турнир-олди матбуот анжумани ўтказилади

Теглар : Футзал

9 февраль 12:00 да Тошкентдаги "Интернейшнл" (собиқ "Интерконтинентал") меҳмонхонасида (1-қават, Crystal Ballroom) футзал бўйича Осиё чемпионатига бағишланган турнир-олди матбуот анжумани бўлиб ўтади.

Матбуот анжуманида "А" ва "В" гуруҳларидаги жамоалар бош мураббийлари иштирок этади.

Маълумот учун, “А” гуруҳидан Ўзбекистон, Саудия Арабистони, Ливан ҳамда Қирғизистон жамоалари ўрин олган бўлса, “В” гуруҳида Иордания, Хитой, Ироқ ҳамда Эрон жамоалари жойлашган.

Таъкидлаш керакки, матбуот анжуманида, шунингдек, журналистлар учун аккредитация ҳам тарқатилади.

Меҳмонхонага кириш гувоҳнома/паспорт бўйича. Аккредитацияларни олиш учун журналистларга гувоҳнома керак бўлади.

Эслатиб ўтамиз, футзал бўйича ХIV Осиё чемпионатига Тошкент мезбонлик қилмоқда. Ушбу турнир 10 — 21 февраль кунлари бўлиб ўтади. Мусобақада энг юқори беш ўринни қўлга киритган жамоа шу йилнинг сентябрь ойида Колумбияда ўтказиладиган Жаҳон чемпионати йўлланмасини қўлга киритади.

Ҳавола :

Манба : the-uff.com

Янгиликларни Телеграмда ўқинг!

Рейтинг: +2