“Фулад” – “Бунёдкор”: ВИДЕО превью

1 апрель санасида, Аҳваз шаҳрида бўлиб ўтадиган баҳс ҳар иккала жамоа учун жуда ҳам муҳим ҳисобланади. Айниқса, Миржалол Қосимов бошчилигидаги “Бунёдкор” жамоаси эртанги баҳсда ғалаба қозонса, плей-оффга йўлланма олиш имкониятларин оширадилар.

“Бунёдкор” Эронга саккизинчи маротаба ташриф буюрмоқда. Бунгача “қалдирғочлар” Эрон клублари билан сафарда етти учрашув ўтказишган. Тошкентликлар Эронда учта ғалаба, 2та дуранг ва 2та мағлубият қайд этишган.

Жамоаларнинг биринчи даврада Тошкентда ўтган учрашувида кучлар тенг келган эди – 1:1. Ўша учрашувнинг 74-дақиқасида Абдуллоҳ Карами эронликларни олдинга олиб чиққан бўлса, 90+2-дақиқада Воҳид Шодиев ҳисобни тенглаштирувчи голга муаллифлик қилганди.

Қуйидаги ҳаволада “Бунёдкор” – “Фулад” баҳсининг энг эсда қоларли вазиятларини томоша қилишингиз мумкин.