ФИФА Пушкаш соврини учун номзод бўлган голларни эълон қилди. Улар орасида Ўзбекистонда урилган гол ҳам бор

ФИФА ташкилоти йилнинг энг чиройли голи учун бериладиган Пушкаш соврини учун номзодларни эълон қилди. Эътиборли жиҳати шундаки, ушбу рўйхатга ўтган йили Ўзбекистон мезбонлик қилган U-23 Осиё кубогида киритилган гол ҳам киритилган. Австралия U-23 термаси аъзоси Алу Кюолнинг Қарши шаҳридаги "Марказий" стадионда киритган голи Пушкаш мукофотига номзод қилиб кўрсатилган. Ушбу голни телеграм каналимизда томоша қилишингиз мумкин.

Тўлиқ рўйхатда эса Марио Балотелли («Адана Демирспор» / «Сьон»), Димитри Пайет («Марсель»), Тео Эрнандес («Милан»), Алу Кюол (Австралия U-23), Амандин Анри («Лион», аёллар жамоаси), Килиан Мбаппе (Франция термаси, «ПСЖ»), Франсиско Гонсалес («Сентраль Кордоба»), Марчин Олекси («Варта»), Сальма Параллуэло («Вильярреал», аёллар жамоаси), Ришарлисон (Бразилия термаси, «Тоттенхэм») ва Алессия Руссонинг (Англия аёллар термаси) голлари бор.