ФИФА "Андижон"ни жазолади

12 июнь куни "Андижон" украиналик дарвозабон Виталий Мирний билан барча қарздорликни ёпиши борасида қарор қабул қилинганди.

Ушбу қарорга кўра клуб барча пулларни тўлаши ва буни тасдиқловчи ҳужжатларни ФИФАга юбориши керак эди.

Бироқ "Андижон" ушбу қарор ижросини бажармади ва ФИФА клубни кейинги 3та трансфер ойнаси вақтида янги футболчиларни рўйхатдан ўтказишга тақиқ қўйди. Агар "Андижон" бундан кейин ҳам футболчи билан ҳисоб-китоб қилмаса кейинги санкциялар очко олиб ташлаш ёки қуйи лигага тушириб юбориш бўлиши мумкин.

Биз бу борада Виталий Мирний билан боғландик ва қабул қилинган қарорга муносабатини сўрадик:

"Олдинги интервьюда ҳам айтгандми, клуб футболчилар билан бундай муносабатда бўлиши мени хайрон қолдирди. Мен бу клубда боримни бериб меҳнат қилдим, майдонда бор кучим билан ўйнадим, ўз меҳнатим билан ишлаб топган пулимни олмоқчиман холос. Раҳбарият туфайли клубга янада жиддий санкция қўлланса, унинг мухлисларига жабр бўлади".