"Фенербахче" Моуриньюни бош мураббий лавозимидан озод этди
29 авг 2025 13:04
Янгиликлар

"Фенербахче" Моуриньюни бош мураббий лавозимидан озод этди

Туркиянинг "Фенербахче" жамоаси бош мураббий Жозе Моуриньюни истеъфога чиқарганини эълон қилди.

“Фенербахче” саралаш босқичида "Бенфика"га имкониятни бой бериб (0:0, 0:1), Чемпионлар Лигасининг асосий босқичига чиқа олмади.

"Биз 2024/25 йилги мавсумдан буён профессионал футбол жамоамизга мураббийлик қилиб келаётган Жозе Моуринью билан хайрлашдик.
Унга жамоамиз ривожига қўшган ҳиссаси учун миннатдорлик билдирамиз ва келгуси фаолиятида муваффақиятлар тилаймиз", – дейилади пресс-релизда.

62 ёшли португалиялик Туркия клубини 2024 йилдан буён бошқариб келмоқда. "Фенербахче" ўтган мавсум миллий чемпионат турнир жадвалида 2-ўринни эгаллаган эди.

Ҳавола :

Манба : fenerbahce.org

Янгиликларни Телеграмда ўқинг!

Рейтинг: +9