Фарҳод Нишонов: "Ҳакам қарорини муҳокама қилишни истамайман, аммо..."

Ўйиндан кейинги матбуот анжуманида меҳмонлар устози Фарҳод Нишонов тассуротлари билан ўртоқлашди. 

"Шўртан” жамоасини ғалаба билан табриклайман. Биринчи бўлимда режа бўйича ўз ўйинимизни намойиш эта олдик. Танаффусдан кейин эса яхши ўйнай олмадик. Йигитлар чарчагани кўриниб турибди. Рақиб ғалабага ҳақлироқ эди. Иккинчи тайм бўйича футболчиларимга эътирозим бор. Чарчоқми ёки бошқа бир сабаб иккинчи бўлимда ўз ўйинимизни намойиш эта олмадик" - деди Фарҳод Нишонов.

- Белгиланган пенальти бўйича фикр билдириб ўтсангиз?
- Ҳакам қарорини муҳокама қилишни истамайман, аммо 11 метрлик жарима зарбаси белгилангунига қадар футболчиларим хатога йўл қўйишди. Шу сабабли пенальти тўғри белгиланди, деб ўйлайман.

- Жамоангиз айни дамда эгаллаб турган ўрни ҳақида гапириб ўтсангиз? 
- Мавсум аввалида биз ўз олдимизга бошқа бир мақсадни қўйгандик. Мақсадимиз ўзгаргани йўқ. Футболчиларимиз ҳали ёш ва ўсишга эришишмоқда. Мусобақа жадвалининг сўнгги поғоналарида бораётганимиз ҳам нормал ҳолат деб қабул қиламан. Биз курашишда давом этмоқдамиз. Лигадаги айрим жамоалар биздан кучлироқ ва тажрибалироқ.

ПРО-Лига. Расман — "Шўртан" плей-оффнинг иккинчи иштирокчиси!