Европа чемпионатлари тарихи: Евро-1976 ва Паненка зарбаси
24 май 2016 15:00
Янгиликлар

Европа чемпионатлари тарихи: Евро-1976 ва Паненка зарбаси

"Кўҳна қитъа" чемпионатлари тарихи билан таништиришда давом этамиз.

Европа чемпионатининг ҳисоб бўйича бешинчиси - 1976 йили Югославияда бўлиб ўтган. Турнирда Чехословакия терма жамоаси ғолибликни қўлга киритган. Финалдаги пенальтилар сериясида Антонин Паненканинг зарбаси жамоасига ғолибликни келтиради. Ўша зарбадан сўнг бундай услубдаги зарбалар Паненка услубидаги пенальти зарбалари деб атала бошлаган. Ушбу чемпионат финал босқичи тўртта ўйиндан иборат (ярим финал, учинчи ўрин учун ва финал) бўлган сўнгги Европа чемпионати бўлиб қолган.

16-20 июнда Белград ва Загребда бўлиб ўтган турнир қайсидир маънода сенсацион турнир бўлган. Италия, Англия, Франция, Венгрия ва Польша каби терма жамоалар чемпионатнинг финал босқичига йўлланма ола билмагандилар.

Ярим финаллар:
Чехословакия - Голландия 3:1
Югославия - ГФР 2:4

Учинчи ўрин учун:
Голландия - Югославия 3:2

Финал:
Чехословакия - ГФР 2:2 (5:3)