Европа чемпионатлари тарихи: Евро-1960

Футбол бўйича дастлабки Европа чемпионати (Европа миллатлари кубоги) - ўшанда Европа терма жамоалари ўртасидаги норасмий чемпионат сифатида тарихга кирган. Турнирнинг финал қисми 4 та жамоа иштирокида Францияда бўлиб ўтган. Париждаги финалда Югославияни қўшимча вақтларда 2:1 ҳисобида мағлуб этган Собиқ Иттифоқ терма жамоаси илк чемпионга айланган.


Илк чемпионатда 13 та терма жамоа иштирок этишни истамаган. Улар қаторида Англия, Бельгия, Германия ФР, Италия, Голландия ва Швеция терма жамоалари бўлган. Бунинг сабаби, ушбу терма жамоалар футболчилари клуб сафида кўплаб ўйинлар ўтказгандилар.

Испаниялик футболчилар эса сиёсий сабабларга кўра чорак финал босқичида Собиқ Иттифоқ ҳудудига боришни истамаганлар. Шу тариқа финал босқичига Собиқ Иттифоқ, Югославия, Чехословакия ва мезбон Франция терма жамоалари йўл олганлар.

Ярим финалларда Собиқ Иттифоқ Чехословакияни 3:0 ҳисобида мағлуб этган. Югославия эса Францияни қийинчилик билан 5:4 ҳисобида мағлубиятга учратганлар.

Учинчи ўрин учун баҳсда Чехословакия чарчаган Франция устидан 2:0 ҳисобида устун келган.

Финалда эса Югославия аввалига ҳисобни очади. Лекин, Собиқ Иттифоқ терма жамоасининг афсонавий грузиялик ҳужумчиси Слава Метревели 49-дақиқада ҳисобни тенглаштиради. Асосий вақт дуранг билан якунланади. Қўшимча вақтда эса Виктор Понедельник ўйин якунланишига 7 дақиқа қолганида гол киритади ва терма жамоасини ушбу турнир тарихидаги илк чемпионга айлантиради.


Турнирнинг энг яхши футболчиси Лев Яшин

Евро-1960

Чемпион: Собиқ Иттифоқ

Иккинчи ўрин: Югославия

Учинчи ўрин: Чехословакия