Эшитдик-да! Станислав Кудряшов "Сурхон"да Сергей Токовнинг ўрнини эгаллайди ва жамоанинг де-факто бош мураббийига айланади

Championat.asia маълумотларига кўра, "Пахтакор" клубида узоқ йиллардан бери ишлаб келган Станислав Кудряшов "Сурхон" клубининг де-факто бош мураббийига айланади. Ўтган мавсумда расман жамоа бош мураббийи Сергей Арсланов бўлган бўлса ҳам, жамоани амалда Сергей Токов бошқарганди. Станислав Кудряшов янги мавсумдан айнан Токовнинг ўрнини эгаллайди ва жамоани амалда бошқаради. Сергей Арсланов эса расман бош мураббий сифатида фаолият олиб боришда давом этади. 

Суратда Станислав Кудряшов

Якунланган мавсумда "Сурхон"ни бошқарган Сергей Токов эса клубни тарк этади. Унинг кейинги манзили "Навбаҳор" клуби бўлиши кутилмоқда.