Эрон. 22-тур. Легионерларимиздан фақат Мельзиддинов майдонга тушмади

Эътиборингизга легионерларимиз иштирокидаги ўйинларни тақдим этамиз.

Фозил Мусаев тўп тепаётган "Сепахон" клуби "Малаван"га қарши ўйнади. Учрашувда майдон эгалари 1:0 ҳисобида ғалаба қозонишди. Мусаев баҳсда тўлиқ ўйнади. "Сепахон" 22та ўйиндан сўнг 37 очко билан мусобақа жадвалининг 4-поғонасини эгаллаб турибди. Клуб навбатдаги турни 16 март куни ўз уйида "Падидеҳ"га қарши ўтказади.

Эрон про-лигаси мусобақа жадвали
"Малаван" - "Сепахон" 1:0
Гол: Б.Хатами 16

Руслан Мельзиддинов тўп тепаётган "Нафт Масжид Сулаймон" клуби сафарда "Истиқлол" билан ўйнади. Бу баҳс 1:0 ҳисоби билан тугади. Мельзиддинов учрашувда майдонга тушмади. Клуб 19 очко билан 15-поғонада бормоқда. Ҳамюртимиз жамоаси кейинги баҳсни 12 март куни "Трактор Сози"га қарши ўтказади.

"Истиқлол" - "Нафт Масжид Сулаймон" 1:0
Гол: Ризо Инояти 60


Баҳодир Насимов фаолият олиб бораётган "Падидеҳ" клуби ўз уйида "Истиқлол Хузистон" билан беллашди. Баҳсда 1:1 ҳисоби қайд этилди. Насимов учрашувда 90 дақиқа ўйнади. "Падидеҳ" айни пайтда 25 очко билан мусобақа жадвалининг 10-поғонасидан ўрин олган. Клуб кейинги учрашувни 16 март куни сафарда "Сепахон"га қарши ўтказади.

"Падидеҳ" - "Истиқлол Хузистон" 1:1
Голлар: М.Ғуломи 11 - М.Момени 66.

Ойбек Қиличев фаолият олиб бораётган "Пайкон" клуби кеча сафарда "Локомотив"нинг ОЧЛдаги рақиби "Фулад" меҳмони бўлди. Ўйинда ҳисоб очилмади. Қиличев меҳмонлар сафида 80 дақиқа ҳаракат қилди.

"Пайкон" 22 очко билан мусобақа жадвалининг 12-поғонасида бормоқда. Клуб кейинги ўйинни 16 март куни ўз уйида "Зоб Охан"ни қабул қилади.

"Фулад" - "Пайкон" 0:0