Элдор Шомуродов: "Энг яхши футболчи бўлганимдан кўп хурсанд бўлмоқчи эмасман"
25 дек 2021 15:57
Янгиликлар

Элдор Шомуродов: "Энг яхши футболчи бўлганимдан кўп хурсанд бўлмоқчи эмасман"

Теглар : Элдор Шомуродов UZ Football Awards

2021 йилда Ўзбекистоннинг энг яхши футболчиси деб топилган "Рома" клуби ҳужумчиси Элдор Шомуродов ўз фикрларини билдирди.

"Барчага ассалому алайкум. Тўғрисини айтсам бу совринни ютганимдан кўп хурсанд бўлмоқчи эмасман. Сабаби биринчисини ютганимдан кейин бир йил пауза бўлиб қолди. Ҳисоблаб кўрсам Одил аканинг (Аҳмедов) рекордини янгилай олмас эканман (кулади). Албатта бу ҳазил.

Ёшлигимда кўпчилик ўзбекистонлик футболчилар ҳам дунёнинг кучли лигаларида ўйнай оладими деган савол беришади. Ўз ўйинларим билан ўша саволларга жавоб бердим деб ўйлайман.

Бу йил кўпроқ омадим келди деб ўйлайман, чунки Машарипов ҳам, Норчаев ҳам соврин учун муносиб ўйин намойиш этишганди. Барчага раҳмат айтаман", - деди 2021 йил Ўзбекистоннинг энг яхши футболчиси Элдор Шомуродов.