Эл-класикода ҳам ҳакамлар хато қилди
07 май 2018 15:14
Янгиликлар

Эл-класикода ҳам ҳакамлар хато қилди

Теглар : [{"id":"481""text":"\u0411\u0430\u0440\u0441\u0435\u043b\u043e\u043d\u0430"}{"id":"1015""text":"\u0420\u0435\u0430\u043b \u041c\u0430\u0434\u0440\u0438\u0434"}{"id":"16739""text":"\u042d\u043b-\u041a\u043b\u0430\u0441\u0441\u0438\u043a\u043e"}]

Кеча бутун дунё футбол мухлислари иккига бўлинишди.

Барселона

Луис Суарес - 10', Лионель Месси - 52'

Примера Дивизион . 36-тур

07/05/2018, 00:45

Тугади

Реал Мадрид

Криштиану Роналду - 14', Гарет Бэйл - 72'

Стадион: Camp Nou, 97939 томошабин

Бош ҳакам: Alejandro Hernandez

45'

90'

Матч-центрда очиш

Мадриднинг “Реал” клуби сафарда азалий рақиби Каталониянинг “Барселона” жамоасига қарши баҳс олиб борди. Ушбу баҳсда дуранг натижа қайд этилди. Аслида ушбу учрашув натижаси ҳеч қандай аҳамиятга эга бўлмасада, жамоалар мухлислар учун шиддатли ўйин тақдим этиб беришди. Ўйинда тўқнашувлар, қизил карточка, симуляция, ҳакамларнинг хатоси, аввалги эл-класиколарда нимаики бўлган бўлса, кечаги класикода ҳам мухлислар худди шундай спектакл томоша қилишди. Учрашувни бошқариб борган ҳакамлар кўплаб футбол мухлисларнинг норозилигига сабаб бўлди. Эл-класикода ҳам ҳакамлар қовун туширди.

ЭРНАНДЕСНИНГ БИРИНЧИ ХАТОСИ

Учрашувнинг 43-дақиқасида “Реал” ҳимоячиси Серхио Рамос рақиб футболчиси Луис Суаресни тирсаги билан кўкрагига зарба берди. Бу вазиятни учрашувни бошқариб борган бош ҳакам Алехандро Эрнандес вазиятни тўғри баҳолай олмади ва “Реал” дарвозаси томон жарима зарбаси белгиламади. Қанот ҳаками ушбу вазиятга яқинроқ турган эди. У ҳам бош ҳакамга қоида бузилгани тўғрисида индамади. Шундан сўнг, Суарес ва Рамос ўртасида кичик тўқнашув юзага келди. Алехандро Эрнандес ушбу вазият учун иккала футболчини ҳам огоҳлантирди.

ИККИНЧИ ХАТОСИ

Баҳснинг 47-дақиқасида Эрнандес қўпол хатога йўл қўйди. “Барселона” жарима майдончаси ташқарисида Серхио Роберто Марселога қўл кўтаргандек кўринди. Ушбу вазиятда бош ҳакам Серхио Роберто Марселога нисбатан спортчиларга ҳос бўлмаган ҳаракат қилган деб топди ва футболчига тўғридан-тўғри қизил карточка кўрсатди ва уни майдондан четлатди. Аслида қоида бузилганми ёки йўқ, такрорий вазиятда ҳам у даражада аниқ кўринмади. Шу сабабли бу вазият учун бир нима дея олмайман. Эрнандес бу вазият учун Серхио Робертога ҳеч бўлмаганда сариқ карточка кўрсатса мақсадга мувофиқ бўларди. Аммо у бундай қилмади ва кескин қарор қабул қилди. Бу унинг навбатдаги хатоси эди.

УЧИНЧИ ХАТО

Учрашувнинг 53-дақиқасида Лео Месси Луис Суареснинг пасидан сўнг Кейлор Навас қўриқлаётган дарвозани ишғол қилди. Ушбу вазиятда Луис Суарес тўпни Мессига узатишидан аввал Рафаэль оёғига зарба бериб уни чалиб йиқитди. Бу вазиятда Алехандро Эрнандес яна сукут сақлади ва бу хато “Реал”га қимматга тушди.

ТЎРТИНЧИ ХАТО

Шиддатли кечган баҳснинг 76-дақиқасида Эрнандес жуда ҳам қўпол хатога йўл қўйди. Бу сафар учрашувни бошқариб борган ҳакам “Барселона” футболчиларининг жонига оро кирди. “Реал” ҳимоячиси Марсело рақиб жарима майдони ичида Хорди Алба томонидан қоидабузарлик билан йиқитилди. Аммо бу вазиятни Эрнандес ҳам қанот ҳакамлари ҳам кўрмай қолди, ёки бўлмасам кўриб кўрмаганликка олди. Учрашувни бошқариб борган ҳакам яна қовун туширди.

Хулоса ўрнида шуни айтмоқчиман, учрашув натижаси ҳеч қандай аҳамиятга эга бўлмаса ҳам эл-класикога бундай ҳакамларни тайинламаган маъқул деб ҳисоблайман. Агарда тажрибали ва савияли ҳакам ушбу баҳсни бошқарганда қўпол хатолар бўлмасди, назаримда.