ЕЧЛ. Барча чорак финалчилар аниқланди. Эртага қуръа ташлаш маросими
20 мар 2014 11:15
Янгиликлар
ЕЧЛ. Барча чорак финалчилар аниқланди. Эртага қуръа ташлаш маросими
Кеча оқшом Дортмунд ва Манчестер шаҳарларида ўтказилган икки ўйин билан Европа Чемпионлар лигасининг барча чорак финал иштирокчилари маълум бўлди.
Гарчи “Зенит” клуби “Боруссия” майдонида 2:1 ҳисобидаги ғалабага эришган бўлсада, Питердаги мағлубият (2:4) сабаб ўз юришини 1/4 финал остонасида тўхтатди.
Мавсумни ўта омадсиз ўтказаётган “Манчестер Юнайтед” эса кеча “Олд Траффорд”да ниҳоят ўз мухлисларини хушнуд этди. Грецияда 0:2 ҳисобида ютқазган “қизил иблислар” жавоб учрашувида “Олимпиакос” дарвозасини жавобсиз уч бор ишғол қилишди. Робин ван Перси оқшом қаҳрамонига айланди. Айнан унинг хет-триги Мойес жамоасига чорак финал эшикларини очди. Шу тариқа, 4 та давлатнинг 8 та жамоаси бош мукофот учун курашни давом эттиради.
Эртага Швейцариянинг Ньон шаҳрида жойлашган УЕФА штаб-квартирасида 1/4 финал босқичига қуръа ташлаш маросими бўлиб ўтади. Бунда бир мамлакат жамоалари бир-бирларига тушиб қолишлари мумкин. Шу босқичдаёқ мухлислар “Барселона”–“Реал” қарама-қаршилигига гувоҳ бўлишлари ҳам мумкин.
Қаторасига иккинчи мавсум ҳам Испаниянинг 3 та жамоаси чорак финалда иштирок этади. Германия ва Англиядан 2 тадан, Франциядан эса “Пари Сен-Жермен” жамоаси кучли саккизликни ташкил этиб беришди. Эътиборга молик жиҳати, 1/4 финалга ўз гуруҳининг ғолиблари етиб келишди.
Чорак финалнинг илк учрашувлари 1-2 апрель, жавоб баҳслари эса 8-9 апрель кунлари бўлиб ўтади. Ярим финалга қуръа ташлаш маросими 11 апрель кунига белгиланган. Бу босқичнинг илк ўйинлари 22-23 апрель, жавоб учрашувлари 29-30 апрелда ўтказилади. Чемпионлар Лигасининг бу йилги ғолиби 24 май куни Лиссабон шаҳридаги “Эштадиу-ду-Бенфика”да аниқланади.
Мавсумни ўта омадсиз ўтказаётган “Манчестер Юнайтед” эса кеча “Олд Траффорд”да ниҳоят ўз мухлисларини хушнуд этди. Грецияда 0:2 ҳисобида ютқазган “қизил иблислар” жавоб учрашувида “Олимпиакос” дарвозасини жавобсиз уч бор ишғол қилишди. Робин ван Перси оқшом қаҳрамонига айланди. Айнан унинг хет-триги Мойес жамоасига чорак финал эшикларини очди. Шу тариқа, 4 та давлатнинг 8 та жамоаси бош мукофот учун курашни давом эттиради.
Эртага Швейцариянинг Ньон шаҳрида жойлашган УЕФА штаб-квартирасида 1/4 финал босқичига қуръа ташлаш маросими бўлиб ўтади. Бунда бир мамлакат жамоалари бир-бирларига тушиб қолишлари мумкин. Шу босқичдаёқ мухлислар “Барселона”–“Реал” қарама-қаршилигига гувоҳ бўлишлари ҳам мумкин.
Қаторасига иккинчи мавсум ҳам Испаниянинг 3 та жамоаси чорак финалда иштирок этади. Германия ва Англиядан 2 тадан, Франциядан эса “Пари Сен-Жермен” жамоаси кучли саккизликни ташкил этиб беришди. Эътиборга молик жиҳати, 1/4 финалга ўз гуруҳининг ғолиблари етиб келишди.
Чорак финалнинг илк учрашувлари 1-2 апрель, жавоб баҳслари эса 8-9 апрель кунлари бўлиб ўтади. Ярим финалга қуръа ташлаш маросими 11 апрель кунига белгиланган. Бу босқичнинг илк ўйинлари 22-23 апрель, жавоб учрашувлари 29-30 апрелда ўтказилади. Чемпионлар Лигасининг бу йилги ғолиби 24 май куни Лиссабон шаҳридаги “Эштадиу-ду-Бенфика”да аниқланади.
championat.asia
Ўзбекистон U-23 терма жамоаси мусобақани ғалаба билан бошланди. Стартда Ливанни енгдик
Алижонов "Пахтакор"да қолиш учун йирик битимни рад этди
Тезкор хабар! Рубен Аморим МЮдан кетди
Расман: Шерзод Насруллаев — "Пахтакор" аъзоси!
Фикрлар