Дониёр Ҳасанов: “Мураббийлар "Локомотив” билан ўйинда захирадаги футболчиларни майдонга туширишмоқчи”
23 сен 2016 14:46
Янгиликлар

Дониёр Ҳасанов: “Мураббийлар "Локомотив” билан ўйинда захирадаги футболчиларни майдонга туширишмоқчи”

Бугун чемпионатимизнинг 23-тур учрашвида "Обод” клуби “Локомотив” жамоаси меҳмони бўлади.

Ушбу ўйин олдидан “Обод” клуби футболчиси Дониёр Ҳасанов ўз фикрларини билдирди.

“Биз асосан ўз уйимиздаги ўйинлар ва биз билан рақобатлашаётган жамоаларга бор эътиборимизни қаратганмиз. Бугун “Локомотив”га қарши учрашувда захирадаги футболчиларни майдонга туширишни режалаштиришган. Чунки, Ғайрат Умиров ва Сардор Қаҳҳоровда 3 тадан сариқ карточка бўлгани боис уларни кейинги ўйинларга асраб қўйишмоқчи. Кейинги турда ўз уйимизда “Нефтчи” жамоасини қабул қиламиз. “Локомотив”га қарши жиддий тайёргарлик кўрганмиз. Насиб қилса ғалаба қозонишга ҳаракат қиламиз. “Навбаҳор” жамоасини мағлуб этганимиздан сўнг жамоадошларимнинг кайфиятлари анча кўтарилган”, - дейди “Обод” клуби сардори Дониёр Ҳасанов.

Жаҳонгир Сотволдиев

Ҳавола :

Манба : championat.asia

Янгиликларни Телеграмда ўқинг!

Рейтинг: +1