Даврон Файзиев: “Тўртта қўпол хато қилдик ва тўртта гол ўтказдик”
19 авг 2016 08:24
Янгиликлар

Даврон Файзиев: “Тўртта қўпол хато қилдик ва тўртта гол ўтказдик”

"Локомотив" - "Сўғдиёна" (4:1) учрашувидан сўнг меҳмонлар бош мураббийи Даврон Файзиев ўз фикрларини билдирди.

"Йигитлар бугунги ўйинга хаддан ташқари қизишиб кетишди. Тўртта қўпол хато қилдик ва тўртта гол ўтказдик. Бугунги ўйинни унутиб кейинги баҳсга тайёргарлик кўришимиз керак.

Ҳакамларга катта эътироз йўқ, фақатгина курашларга кўпроқ имкон беришга мақсадга мувофиқ бўларди.

Охирги ўйинларда бунчалик йирик ҳисобда мағлуб бўлмагандик. Мағлубиятда барча айбни ўз бўйнимга оламан.

Мақсадимиз "Локомотив" даражасига чиқиш. ОЧЛ чорак финалида "темирйўлчилар"га омад тилаймиз ва уларга мухлислик қиламиз. Менимча "Локомотив"нинг ярим финалга чиқиш имконияти - 60:40", - дейди Даврон Файзиев.

"Локомотив" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +8