Даврон Файзиев: "Сўғдиёна" бошқалар учун ўйинчи етказиб берадиган жамоага ўхшаб қолди"
28 янв 2014 20:00
Янгиликлар
![](https://championat.asia/upload/storage/115899_original.jpg)
![](/upload/storage/115899_220.jpg)
Даврон Файзиев: "Сўғдиёна" бошқалар учун ўйинчи етказиб берадиган жамоага ўхшаб қолди"
Жиззахнинг “Сўғдиёна” футбол клуби ўтган ҳафта Тошкентга келиб учта ўртоқлик учрашуви ўтказди ва тезда ортга қайтиб кетди.
Энди жамоа аъзолари 30 январгача тайёргарлик машғулотларни клуб қароргоҳида давом эттиришади. Ўтган йилги чемпионатда 10-ўринни эгаллаган “Сўғдиёна” бу йил камида шу натижани такрорлашга уриниб кўради. Жиззахликлар пойтахтдаги назорат беллашувларида “Динамо” билан 0:0, “Пахтакор” ўринбосарлари билан 3:2, “Нефтчи” билан эса 2:1 ҳисобидаги натижаларни қайд этишди. Жамоа ортга қайтиб кетиш арафасида клуб бош мураббийи Даврон Файзиевдан интервью олдик.
- “Сўғдиёна”нинг асосий таркиби “Динамо” ва “Нефтчи”га қарши кетма-кет икки кунда иккита ўйин ўтказди. Дам олмасдан майдонга тушиш футболчиларни чарчатиб қўймайдими?
- Биз қисқа муддатга пойтахтга келганимиз учун шундай қилмасак бўлмасди. Қолаверса, таркибимизда ўйинчи кўп. Мен учун футболчини 10 дақиқага тушириб синаб кўргандан кўра ҳеч бўлмаса бир тайм ўйнатган маъқул. Иқтисодий томонлама бирмунча қийин аҳволда бўлганимиз боис Тошкентда кўп тура олмаймиз.
- Футболчи ва мураббийлар олдида ўтган йилги қарзлар ҳалиям борми?
- Яширмайман, қарздорлик бор. Клубимиз раҳбарияти тезроқ пул топиб, ҳамма билан ҳисоб-китоб қилишга ҳаракат қиляпти. Менимча, чемпионат бошлангунча муаммолар бартараф этилса керак.
- Анчадан бери маош берилмаётгани футболчиларга таъсир ўтказмасдан қолмайди. Шундай вазиятларда сиз ўйинчиларни қандай тайёрлайсиз?
- Ўзим ҳам вақтида тўп тепганим учун бу нарсани яхши тушунаман ва ҳозир ҳам шогирдларимга қийинчилик ҳар доим бўлмаслигини, ҳали ҳаммаси ўтиб кетишини уқтиряпман. “Сўғдиёна” охирги йилларда бошқа клублар учун ўйинчи етказиб берадиган жамоага ўхшаб қолди. Масалан, чемпионат тугаганидан сўнг олти нафар футболчимиз ўз ихтиёри билан жамоани тарк этди. Қолаверса, бошқа ўйинчилар ҳам кетамиз деяпти. Агар кимдир кучлироқ клубга ўтадиган бўлса, ўша ўйинчини тўхтатиб қолиш қийин. Чунки кўп нарса биринчи навбатда пулга бориб тақалади.
- Балки шу йўл маъқулдир, яъни ўйинчи тарбиялаб бошқа жамоаларга сотиш?
- Бу йўл ҳозирча маъқул бўлиши мумкин, лекин доим ҳам ўзини оқлайвермайди. Чунки мураббий ҳар доим ўз меҳнати мевасини кўришни хоҳлайди. Сиз қийналиб ўйинчи тарбияласангиз-у, бир йилдан кейин у бошқа клубга кетиб қоладиган бўлса, бу албатта мураббийга алам қилади. Бундан ташқари, раҳбарият ҳам натижа сўрайди.
- Футболчилар жамоани тарк этгани билан барибир улар ўрнига бошқасини топа оляпсиз.
- Иқтидорли футболчиларни топса бўлади, лекин улар билан бир йил ишлаш камлик қилади. Айтайлик, биз бирорта янги ўйинчини қишда топдик дейлик. У билан бир-икки ой ишлашим мумкин, кейин чемпионат бошлангач, мураббийда футболчи билан индивидуал шуғулланиш учун унчалик кўп вақт бўлмайди. Буёғига фақат натижа устида бош қотиришга тўғри келади.
- Билишимизча, “Сўғдиёна”ни футболчилар эркин агент сифатида тарк этишяпти. Уларни замонавий футбол талабига биноан сотиб пул ишлашнинг иложи йўқми?
- Бунинг иложи жуда қийин. Чунки клубнинг футболчи олдида қарздорлиги бўлганидан кейин ўйинчига ўз таъсирини ўтказа олмайди. Натижада кўпчилик эркин агент сифатида у жамоадан бунисига ўтиб юраверади. Бу фақат бизнинг клуб билан содир бўлаётган ҳолат эмас, бошқа кўпгина жамоаларда ҳам вазият шунақа.
- Александр Меленчук дарвозада туриш билан бирга бошқаларни ҳам шуғуллантираётган экан. Наҳотки, дарвозабонлар билан ишлайдиган алоҳида мураббийни таклиф этишнинг иложи бўлмаса?
- Тўғрисини айтишим керак, бу биз учун энг оғриқли муаммолардан бири. “Сўғдиёна”да ҳатто дарвозабонлар мураббийини ишга таклиф этиш учун ҳам имкон йўқ. Мен бу борада раҳбариятга таклиф киритганман. Балки яқин орада мураббий бўлиб қолар. Дарвозабонлар билан алоҳида мураббийнинг ишлаши замон талаби бўлиб қолди. Чунки бош мураббий майдонда 20-25 нафар футболчини шуғуллантираётган бир пайтда дарвозабонларга эътибор қарата олмайди.
- Сизни “Про” лицензиясига ўқийди деб эшитгандик, лекин кейинчалик курсларга бормабсиз.
- Ҳа, шундай бўлиб қолди. Мен учун биринчи навбатда жамоа манфаати туради. Клубнинг ўйинчилар олдида қарзи бўлганидан кейин менинг фалон пул сарфлаб “Про”га ўқишим ғалати кўринарди. Шу боис буни ҳис қилган ҳолда ҳозирча ўқимасликни афзал билдим. Шунда ҳам Рустам Акрамовга раҳмат, у киши мени курсларга таклиф этди, аммо шароитим кўтармагани учун бора олмадим.
Хайрулла ХОЛИҚОВ.
- “Сўғдиёна”нинг асосий таркиби “Динамо” ва “Нефтчи”га қарши кетма-кет икки кунда иккита ўйин ўтказди. Дам олмасдан майдонга тушиш футболчиларни чарчатиб қўймайдими?
- Биз қисқа муддатга пойтахтга келганимиз учун шундай қилмасак бўлмасди. Қолаверса, таркибимизда ўйинчи кўп. Мен учун футболчини 10 дақиқага тушириб синаб кўргандан кўра ҳеч бўлмаса бир тайм ўйнатган маъқул. Иқтисодий томонлама бирмунча қийин аҳволда бўлганимиз боис Тошкентда кўп тура олмаймиз.
- Футболчи ва мураббийлар олдида ўтган йилги қарзлар ҳалиям борми?
- Яширмайман, қарздорлик бор. Клубимиз раҳбарияти тезроқ пул топиб, ҳамма билан ҳисоб-китоб қилишга ҳаракат қиляпти. Менимча, чемпионат бошлангунча муаммолар бартараф этилса керак.
- Анчадан бери маош берилмаётгани футболчиларга таъсир ўтказмасдан қолмайди. Шундай вазиятларда сиз ўйинчиларни қандай тайёрлайсиз?
- Ўзим ҳам вақтида тўп тепганим учун бу нарсани яхши тушунаман ва ҳозир ҳам шогирдларимга қийинчилик ҳар доим бўлмаслигини, ҳали ҳаммаси ўтиб кетишини уқтиряпман. “Сўғдиёна” охирги йилларда бошқа клублар учун ўйинчи етказиб берадиган жамоага ўхшаб қолди. Масалан, чемпионат тугаганидан сўнг олти нафар футболчимиз ўз ихтиёри билан жамоани тарк этди. Қолаверса, бошқа ўйинчилар ҳам кетамиз деяпти. Агар кимдир кучлироқ клубга ўтадиган бўлса, ўша ўйинчини тўхтатиб қолиш қийин. Чунки кўп нарса биринчи навбатда пулга бориб тақалади.
- Балки шу йўл маъқулдир, яъни ўйинчи тарбиялаб бошқа жамоаларга сотиш?
- Бу йўл ҳозирча маъқул бўлиши мумкин, лекин доим ҳам ўзини оқлайвермайди. Чунки мураббий ҳар доим ўз меҳнати мевасини кўришни хоҳлайди. Сиз қийналиб ўйинчи тарбияласангиз-у, бир йилдан кейин у бошқа клубга кетиб қоладиган бўлса, бу албатта мураббийга алам қилади. Бундан ташқари, раҳбарият ҳам натижа сўрайди.
- Футболчилар жамоани тарк этгани билан барибир улар ўрнига бошқасини топа оляпсиз.
- Иқтидорли футболчиларни топса бўлади, лекин улар билан бир йил ишлаш камлик қилади. Айтайлик, биз бирорта янги ўйинчини қишда топдик дейлик. У билан бир-икки ой ишлашим мумкин, кейин чемпионат бошлангач, мураббийда футболчи билан индивидуал шуғулланиш учун унчалик кўп вақт бўлмайди. Буёғига фақат натижа устида бош қотиришга тўғри келади.
- Билишимизча, “Сўғдиёна”ни футболчилар эркин агент сифатида тарк этишяпти. Уларни замонавий футбол талабига биноан сотиб пул ишлашнинг иложи йўқми?
- Бунинг иложи жуда қийин. Чунки клубнинг футболчи олдида қарздорлиги бўлганидан кейин ўйинчига ўз таъсирини ўтказа олмайди. Натижада кўпчилик эркин агент сифатида у жамоадан бунисига ўтиб юраверади. Бу фақат бизнинг клуб билан содир бўлаётган ҳолат эмас, бошқа кўпгина жамоаларда ҳам вазият шунақа.
- Александр Меленчук дарвозада туриш билан бирга бошқаларни ҳам шуғуллантираётган экан. Наҳотки, дарвозабонлар билан ишлайдиган алоҳида мураббийни таклиф этишнинг иложи бўлмаса?
- Тўғрисини айтишим керак, бу биз учун энг оғриқли муаммолардан бири. “Сўғдиёна”да ҳатто дарвозабонлар мураббийини ишга таклиф этиш учун ҳам имкон йўқ. Мен бу борада раҳбариятга таклиф киритганман. Балки яқин орада мураббий бўлиб қолар. Дарвозабонлар билан алоҳида мураббийнинг ишлаши замон талаби бўлиб қолди. Чунки бош мураббий майдонда 20-25 нафар футболчини шуғуллантираётган бир пайтда дарвозабонларга эътибор қарата олмайди.
- Сизни “Про” лицензиясига ўқийди деб эшитгандик, лекин кейинчалик курсларга бормабсиз.
- Ҳа, шундай бўлиб қолди. Мен учун биринчи навбатда жамоа манфаати туради. Клубнинг ўйинчилар олдида қарзи бўлганидан кейин менинг фалон пул сарфлаб “Про”га ўқишим ғалати кўринарди. Шу боис буни ҳис қилган ҳолда ҳозирча ўқимасликни афзал билдим. Шунда ҳам Рустам Акрамовга раҳмат, у киши мени курсларга таклиф этди, аммо шароитим кўтармагани учун бора олмадим.
Хайрулла ХОЛИҚОВ.
![AMP Logo](https://championat.asia/image/logo-amp.png)
Фикрлар