Алонсо Килиан Мбаппе жароҳат олганини маълум қилди

Бу ҳақида жамоа бош мураббийи Хаби Алонсо маълум қилди, дея мутахассис сўзларидан иқтибос келтиради ESPN.

Шанба оқшомида "Реал" ўз майдонида "Вильярреал"ни (3:1) мағлубиятга учратди. Учрашув якунланишига оз қолганида Мбаппе учинчи голга муаллифлик қилди ва орадан бир неча дақиқа ўтиб, захирага олинди.

"Килианда тўпиғи билан муаммо мавжуд", — деди Алонсо. — У Франция терма жамоаси йиғинига бормайди, дея олмайман. Ҳозир у оғриқ ҳис қилмоқда. У ушбу масалани терма жамоадагилар билан ҳам муҳокама қилиб олиши зарур".

"Marca" нашри таъкидлашича Мбаппе ўнг оёғи тўпиғидан жароҳат олган, шунга қарамай, у Франциянинг ЖЧ-2026 саралашидаги учрашувларига йўл олиши мумкин. Францияликлар ўз уйида Озарбайжонга қарши (10 октябрь) ва сафарда Исландияга қарши (13 октябрь) майдонга тушади.