Дани Алвес: “Ювентус” ушбу мавсумда барча совринларни ютишга тайёр”
12 мар 2017 01:17
Янгиликлар

Дани Алвес: “Ювентус” ушбу мавсумда барча совринларни ютишга тайёр”

“Ювентус” ҳимоячиси Даниэл Алвес жамоа жорий мавсумда ўзи қатнашаётган барча турнирларда бош совринни қўлга киритишига ишонаётганини билдирди.

“Биз ҳозир жисмоний, руҳий, умуман ҳамма томонлама “форма”дамиз. Энди биз учун мавсумнинг энг муҳим палласи бошланади.

Буюк футболчилар мавсумдаги барча совринларни ютиш учун йил бўйи меҳнат қилишади. Биргаликда биз мавсумни юқори кўрсаткичлар билан якунлашимиз мумкин.

Мен “Ювентус”га ўтганимда бу ерда кучли жамоани кўришни хоҳлагандим. Чунки қаторисига беш марта Италияда чемпионликни қўлга киритиб, Чемпионлар лигаси финалига қадар етиб келган жамоа кучсиз бўлиши мумкин эмасди.

Мен бу жамоага барча турнирларда ғолиб чиқиш учун келдим. Бу истак мени янада олдинга ундайди. Биз жамоадошларим билан янги тарихни яратишимиз мумкинлигини тушуниб турибмиз”, дейди футболчи.

Ҳавола :

Манба : Football Italia

Янгиликларни Телеграмда ўқинг!

Рейтинг: +4