Coca Cola Суперлига. Бугун "Бухоро" "Насаф"билан ўйнайди, "Пахтакор" "Қизилқум"га қарши, Ҳамидуллаев - Бақоев тўқнашуви
18 окт 2020 10:34
Янгиликлар

Coca Cola Суперлига. Бугун "Бухоро" "Насаф"билан ўйнайди, "Пахтакор" "Қизилқум"га қарши, Ҳамидуллаев - Бақоев тўқнашуви

Бугун Coca Cola Суперлиганинг 19-туридан ўрин олган учта ўйин бўлиб ўтади.

АНДИЖОН – СЎҒДИЁНА
18 октябрь 2020 йил. Андижон. "Соғлом Авлод" стадиони. 15:30
Ҳакамлар: Виктор Серазитдинов, Шоҳруҳ Аъзамов, Шоҳнур Йўлдошев, Достон Раҳмонов
Назоратчи: Султон Зайлобиддинов
Комиссар: Александр Давиденко

"Андижон" сўнгги учта турда умуман мағлуб бўлмади - 1та ғалаба, 2та дуранг. "Сўғдиёна" ҳам учта ўйиндан буён ютқазмаяпти - 2та ғалаба, 1та дуранг.

Бу жамоалар ҳозирга қадар 41 марта тўқнаш келишган. Натижалар мутлақо тенгликни кўрсатмоқда: Иккала жамоа ҳам 16тадан ғалабага эришишган. 9 марта дуранг қайд этилган. Ўзаро ўйинларда "Андижон" 60та, "Сўғдиёна" 58та гол урган.

Ўзаро ўйинларнинг сўнгги 4тасида "Сўғдиёна" умуман мағлуб бўлмаган - 2та ғалаба, 2та дуранг. "Андижон" бу рақибни сўнгги бор 2016 йилги мавсумда ўз майдонида мағлуб этган.

"Сўғдиёна" охирги марта 2014 йилги мавсумда Андижондан ғалаба билан қайтган.

Андижон

Муҳаммадали Юлдашев - 5'

Суперлига. 19-тур

18/10/2020, 15:30

Тугади

Сўғдиёна

Марко Колакович - 75'

45'

90'

Матч-центрда очиш

БУХОРО – НАСАФ
18 октябрь 2020 йил. Муборак. Баҳром Вафоев номидаги стадион. 16:00
Ҳакамлар: Шавкат Насибуллаев, Расул Фозилов, Максим Нехочин, Жалолиддин Ҳуснитдинов
Назоратчи: Тимур Абдуллаев
Комиссар: Шоҳруҳ Саид

"Насаф" сўнгги 7та турда умуман ютқазмади - 5та ғалаба, 2та дуранг. "Бухоро" эса аксинча охирги 7та ўйинда умуман ғалаба қозона олмади - 2та дуранг, 5та мағлубият.

Бу икки клуб Ўзбекистон чемпионатида ҳозирга қадар 45 марта тўқнаш келишган. 23 марта "аждарлар" зафар қучишган, 12та ўйинда бухороликлар ғолиб бўлишган. Қолган 10та учрашувда томонлар "муроса кўчасини" танлашган. Ўзаро ўйинларда "Насаф" 74та, "Бухоро" 43та гол урган.

Ўзаро охирги икки учрашувда "Бухоро" "Насаф"га умуман ютқазмаган - 1та ғалаба, 1та дуранг.

Бухоро

Суперлига. 19-тур

18/10/2020, 16:00

Тугади

Насаф

45'

90'

Матч-центрда очиш

ПАХТАКОР – ҚИЗИЛҚУМ
18 октябрь 2020 йил. Тошкент. "Пахтакор" стадиони. 17:30
Ҳакамлар: Олим Тўйчибоев, Тимур Гайнулин, Андрей Цапенко, Фарруҳ Янсупов
Назоратчи: Игорь Нехочин
Комиссар: Сардор Қудратуллаев

Суперлигада охирги 12та турда "Пахтакор" умуман мағлуб бўлмади, сўнгги икки турда иккита йирик ғалабага эришди. "Қизилқум" эса бу мавсум сафардаги охирги 4та ўйинда умуман ғалаба қозона олмади - 2та дуранг, 2та мағлубият.

Бу клублар ҳозирга қадар 41 марта тўқнаш келишган. "Шерлар" 34 марта ғалабага эришишган. Олтита учрашувда дуранг кузатилган. "Қизилқум" бу жамоани фақат бир марта мағлуб этган холос (2001 йил). Яъни Навоий шаҳри клуби 19 йилдан буён "Пахтакор"ни мағлуб эта олмаяпти.

"Пахтакор" ўз майдонидаги охирги 9та ўйиннинг барчасида ғолиб бўлган. Сўнгги бор "Қизилқум" 2010 йилги мавсум сафарда бу жамоа билан дуранг ўйнаган.