"Челси" Кепани икки йилга ижара беришга тайёр

Жамоа бош мураббийи Фрэнк Лэмпард 25 ёшли футболчининг ўйинларидан норози ва у билан хайрлашмоқчи.

Англия клуби Аррисабалагани икки йиллик ижарага бериб юборишга тайёр. "Аристократлар" айни дамда футболчининг сотувини ўйлашмаяпти, сабаби унинг трансфер нархи жиддий тарзда тушди.

Эслатиб ўтамиз, лондонликлар Кепани 2018 йилда "Атлетик"дан 80 миллион евро эвазига харид қилишган эди. Унинг шартномаси 5 йилга мўлжалланган.

Футболчи жорий мавсум АПЛ доирасидаги 33та ўйинда майдонга тушиб, ўз дарвозасидан 45та тўп олиб чиқди.