"Бухоро"га хорижлик мураббий келади...
29 май 2019 21:34
Янгиликлар

"Бухоро"га хорижлик мураббий келади...

Айни пайтда бош мураббий лавозими бўш турган "Бухоро"да раҳбарият хорижлик мутахассисни жалб этиш илинжида.

Бахтиёр Ашурматов жамоадан кетгач бош мураббий лавозими бўшаб қолганди. Аввалги икки турда эса "Бухоро"ни ёшлар жамоаси мураббийи Мирислом Хасанов вақтинча бошқарганди.

ФИФА кунлари туфайли юзага келган танаффус пайтида Бухорога хориждан мутахассис келиши кутилмоқда.

Бу ҳақда сайтимиз ходими Шаҳбоз Беғамов маълум қилди.

Айни пайтда раҳбарият россиялик Андрей Гордеев номзодини кўриб чиқмокда. Шу кунларда Бухорога Андрей Гордеев ташриф буюриши хамда клуб, жамоа ва шароитлар билан танишиб, музокаралар ўтказилиши кутилмоқда. Агарда музокаралар муваффақиятли тугаса, унда "Бухоро" ва Гордеев ўртасида битим имзоланади.

Қайд этиш керакки, "Бухоро"ни бошқариши мумкин бўлган мураббийлар орасида Александр Хомяков номзоди ҳам илгари сурилганди. Бирок томонлар ўзаро келишувга эришишмади ва Хомяков "Андижон" вариантини маъқул топди.

Андрей Гордеев ўз вақтида "Анжи"да Гус Хиддинк ёрдамчиси сифатида ишлаган. Мутахассиснинг охирги иш жойи эса Россия ёшлар терма жамоаси бўлиб турибди.