Хомяковнинг "Машъал"даги даври тугади, энди мутахассис "Андижон"га йўл олади...
29 май 2019 21:09
Янгиликлар

Хомяковнинг "Машъал"даги даври тугади, энди мутахассис "Андижон"га йўл олади...

Муборакнинг "Машъал" клубида ишлаб келаётган россиялик мутахассис Александр Хомяков "Андижон" жамоаси бошқарувини ўз қўлига олади.

Бугун Про-лигадаги "Машъал" - "Шердор" ўйинида (3:1) Хомяков сўнгги бор муборакликлар устози сифатида иш юритди. Келаси турдан Александр Хомяков "Андижон" жамоасида иш бошлайди.

Бунга қадар андижонликлар постини Ильдар Сакаев бошқарган ва 16 май куни истеъфога чиқарилганди.

Айни дамда Жамшид Саидов "бургутлар"нинг вақтинчалик бош мураббийи лавозимида фаолият юритиб келаётганди. Сайтимиз ходими Шаҳбоз Беғамовнинг маълум қилишича, Хомяков аллақачон андижонликлар бир келишувга эришган ва бугунги учрашувдан кейин муборакликлар билан расман хайрлашади.

Эслатиб ўтамиз, аввалроқ айни пайтда «Андижон» бош мураббийи сифатида ишлаб турган Жамшид Саидов ва Хомяков "Машъал" жамоасида бирга ишлашган.

Ҳавола :

Манба : championat.asia

Янгиликларни Телеграмда ўқинг!

Рейтинг: +15