Бугун футбол. "Бунёдкор" - "Локомотив"

Карантиндан сўнг дастлабки икки турда мағлубиятга учраган "Локомотив" сафарда "Бунёдкор" меҳмони бўлади. Турнир жадвалида "Бунёдкор" 9 очко билан 6-ўринни эгаллаб турибди. "Локо" ҳисобида эса 6 очко бор ва "темирйўлчилар" 10-ўринда боришяпти. 

Ўтган икки турда "Бунёдкор" икки хил натижа қайд этди. Вадим Абрамов шогирдлари дастлаб "Қўқон-1912" устидан 1:0 ҳисобида зафар қучиб, сўнгра "Пахтакор"га 0:5 ҳисобида имкониятни бой беришди. 

"Локомотив" эса кутилмаганда охирги иккала ўйинда ютқазиб қўйди. Андрей Фёдоров шогирдлари "Металлург" билан кечган баҳсда 0:3 ва "Сўғдиёна"га қарши ўйинда 1:2 ҳисобида имкониятни бой беришди. 

Мавсум бошидан бери "Бунёдкор" учта ўйинда ғалаба қозонди. "Қалдирғочлар" ўз уйларида "Машъал" ва "Қўқон-1912" ҳамда сафар баҳсида "Сурхон"ни мағлуб этишди. 

"Локо" ҳисобида ҳозирча иккита ғалаба бор. Жамоа карантингача ўз майдонида "Андижон" ва "Навбаҳор"ни мағлуб этганди. Бугунги ўйинда жамоалар имкониятини тенг баҳоласа бўлади. Бугун Вадим Абрамов собиқ жамоасига қарши баҳс олиб боради. 

P.S. Соат 20:15да бошланадиган учрашувни "Спорт" телеканалида тўғридан тўғри кузатиб боринг.

Бунёдкор Селим Нурмурадов - 19', Шаҳбоз Эркинов - 74'

Суперлига. 6-тур 25/06/2020, 20:15 0 : 2 Тугади

Локомотив

45'

90'

19'  Селим Нурмурадов

19'  Расул Йўлдошев

39'  Санжар Қодирқулов

45'  Ислом Қобилов

58'  Жасур Жалолиддинов (Фаррух Икромов)

74'  Шаҳбоз Эркинов

76'  Шаҳбоз Эркинов (Ҳумоюн Муртозаев)

76'  Расул Йўлдошев (Анвар Ғофуров)

45'  Даврон Ҳошимов

66'  Даврон Умиров (Камрон Саидазимов)

66'  Кирилл Погребняк (Иброҳим Ғанихонов)

70'  Дилшод Комилов (Фаррух Иброҳимов)

78'  Кахи Махарадзе (Ойбек Қиличев)

78'  Шуҳрат Муҳаммадиев (Жавоҳир Алижонов)

Матч-центрда очиш