Биласизми? Толипов билан Соломин “Оқ-Тепа”да

Ўз вақтида миллий чемпионатимизда “Трактор”, “Пахтакор”, “Локомотив” ҳамда “Обод” сингари жамоаларда ўйнаб, тўпурарлик маҳоратини намоён эта олган Павел Соломин ҳамон бутсаларини михга илишга шошилаётгани йўқ. 36 ёшли футболчи айни дамда иккинчи лигада “Оқ-Тепа” шарафини ҳимоя қилмоқда.
 
Ундан ташқари Темур Толипов ҳам ушбу жамоа учун ўйнаб келмоқда. Ишқибозлар яхши билишса керак, “Пахтакор” клуби тарбияланувчиси Толипов бунгача “Навбаҳор” ва “Обод” сингари жамоаларда ўйнашга ҳам улгурди. Жорий мавсум эса 23 ёшли ҳужумчи ПРО-Лига қатнашчиси “Ифтихор”да қўним топганди. Бироқ Темурнинг Олтиариқ жамоасидаги фаолияти ҳам узоқ давом этмади ва  қисқа фурсат ичида футболчи жамоа билан хайрлашди.  

Олинган маълумотларга кўра, Толипов ҳам Соломин сингари “Оқ-Тепа” учун ўйнаб келмоқда.  

Маълумот учун, Тошкент шаҳар иккинчи лига иштирокчиси “Оқ-Тепа” клубини ўз вақтининг моҳир ҳимоячиси Ярослав Крушелницкий бошқармоқда.