Бечора биринчи лига

Учрашув 18:05 да старт олди. Бунга 18:00 га белгиланган учрашувнинг беш дақиқа кечикишига "Спартак" жамоасининг Муборакка кечикиб келгани сабаб бўлди. Буни фожиа деб бўлайди деб ўйласангиз хато қиласиз. Биринчи лигада аҳвол шу даражада ёмонки бугун яна бир бор амин бўлдик. Бухоро жамоа тур учрашувини ўтказиш учун Муборакка "Исузи" афтобусида 17:55 да кириб келди. Афтобусдан формадан тушган жамоалар аъзолари ҳеч қандай машғулотсиз майдонда ҳаракат қилмоқда. Йўл чарчоғи кетиб улгурмасдан майдонга тушган жамоа биринчи бўлимда учта гол ўтказган.

Бундан ташқари бугун Самарқанднинг "Шердор" жамоаси сафарга бор йўғи учта захира ўйинчиси билан борганиёқ клубнинг аҳволини кўрсатиб турибди. Катта қийинчилик билан Ғузорга етиб борган учун таҳсин ўқиш керак. Ҳозирги кунда биринчи лиганинг сафар учрашувларига бориш ҳам катта шараф бўлиб қолмоқда. "Регистон"да эса аҳвол "Шердор"дан ортиқ эмас. Иккиси ҳам сафарга борса шунга шукур қилиб турмоқда.

Жиззах жамоалардаги аҳволга ҳам ҳавас қилиб бўлмайди. "Зомин" ҳам "Ғаллакор" ҳам катта машаққат билан сафар учрашувларига захира ўриндиғисиз ташриф буюрмоқда. "Зомин" Самарқандда "Регистон"га қарши ўйинга эса старт олдидан 15 дақиқа қолганда кириб бориб машғулотсиз майдонга тушди.

"Орол" ва "Хоразм"да аҳвол қолганларидан яхши эмас. Айниқса "Орол" фақат савоб учун майдонга тушмоқда.

Хуллас калом биринчи лигага раҳмим келиб кетади...


Ҳумоюн Давуров.