"Барселона" қишда "Арсенал"дан Обамеянгни сотиб олиши мумкин

32 ёшли габонлик ҳужумчи "Барселона"нинг қизиқишлари доирасида турибди.

Футболчининг клуб билан муносабатлари ёмонлашган. У Франция сафаридан ваъда қилинганидан кеч қайтгани учун "Арсенал"да сардорлик боғичидан маҳрум қилинди. Форвард қишда трансфер рўйхатига киритилиши мумкин.

"Барса" учун Обамеянг ҳужумни кучайтирадиган вариантларидан бири ҳисобланади. Клуб, шунингдек, Тимо Вернер ("Челси") ва Эдинсон Каванини ("Манчестер Юнайтед") ўз сафига қўшиб олиш борасида музокаралар олиб бормоқда.

Пьер-Эмерик жорий мавсум АПЛда 14 та ўйинда майдонга тушиб, 4 та гол урди.