"Барса" Лаутарога 5 йилга мўлжалланган битим таклиф қилди

Каталония клуби "Интер" ҳужумчиси Лаутаро Мартинес трансфери бўйича амалий ишларни давом эттирмоқда. "La Gazzetta dello Sport" нашри журналисти Николо Скиранинг хабар беришича, "кўк-анорранглилар" 22 ёшли аргентиналик ҳужумчига 2025 йилга қадар мўлжалланга шартнома ва йиллик 7 миллион евро маош (бонуслардан ташқари) таклиф қилган.

"Нерадзуррилар" футболчини қўйиб юборишни истамайди, аммо Лаутаронинг шартномасида кўрсатилган товон пули (111 млн евро) тўланса, "Интер" раҳбарияти ҳам иложсиз қолади.

Аввалроқ "Реал" ҳам Лаутарони харид қилиш вариантини фаоллатиришга тайёрлиги ва ҳужумчи учун испан грандлари орасида жиддий рақобат бўлиши ҳақидаги хабарлар ҳам тарқалганди.

Маълумот учун, А Сериянинг жорий мавсумида 21 ўйинда майдонга тушган Мартинес 11 гол, 4та самарали узатмага муаллифлик қилган.