Аёллар футзали: Бу йилги чемпионатда қатнашиш учун ҳозирча 4та жамоа истак билдирди

Бу йил маълум сабабларга кўра мусобақа муддати февраль ойига белгиланди. Шу ойнинг иккинчи ўн кунлигида бошланадиган ва 14-маротаба ташкиллаштириладиган мамлакат чемпионатида иштирок этиш учун айни пайтда Қаршининг “Севинч”, Олмалиқнинг АГМК, Бекободнинг “Металлург” ҳамда Тошкентнинг “Пахтакор” жамоалари истак билдиришган. Иштирокчиларнинг умумий сони саккизтагача бўлиши кутилмоқда.

Эслатиб ўтамиз, 13 марта ўтказилган чемпионатнинг барида “Севинч” жамоаси кичик олтин медаллар соҳиби бўлишган. Ўзбекистон Кубоги ўйинлари эса 11 маротаба ташкил этилган, шундан ўнтасида қаршиликлар бош соврин эгаси бўлган, бир маротаба бош мукофот Зарафшон шаҳрининг “Строитель” жамоасига насиб этган.

Аввалги чемпионатлардан фарқли ўлароқ, бу йилгиси пойтахтдаги “Ўзбекистон” спорт мажмуасида ўтказилиши режалаштирилмоқда.