«Атлетико» Облакни 75 млн еврога сотмади
11 июн 2017 09:41
Янгиликлар

«Атлетико» Облакни 75 млн еврога сотмади

ПСЖ «Атлетико» дарвозабони Ян Облакни сотиб олиш фикридан қайтмаяпти.

Парижликлар 24 ёшли словениялик футболчи учун 75 миллион евро таклиф қилишди, аммо Мадрид клуби таклифни рад қилди.

Облакнинг шартномасида товон пули 100 миллион деб ёзилган. Бундан ташқари «Атлетико» ФИФА таъқиқи туфайли фақат январь ойидагина янги футболчи харид қила олади холос.

Якунланган мавсумда Облак барча мусобақаларда 41та ўйинда майдонга тушиб 28та гол ўтказди. 21та учрашувда у ўз дарвозасидан тўп олиб чиққани йўқ.