Асрор Алиқулов: “Айрим футболчиларимиз Универсиада-2022 мусобақасида иштирок этишмоқда”

Ўйин ҳақида

- "Зомин" жамоаси тўп билан яхши ишлайди. Шу боисдан ҳам биз уларга имконият бермасликка ҳаракат қилдик. Рақиб ҳужумларига қарши ҳужум услуби билан жавоб берган холда вазиятлар яратдик, голлар урдик. 

"Зомин" яхши жамоа, чиройли футбол намойиш этаяпти. Аммо натижа борасида улардаги вазият қониқарли эмас деб ўйлайман.

- “Шўртан" иккинчи бўлимда ўйинни бир оз сустлаштирди. Бу аввалдан ўйланган режа эдими?

- Йўқ, биз буни режа қилмагандик. Ўйиннинг бориши шундай бўлди. Бизда Универсиада-2022 мусобақасига кетган футболчилар бор эди. Улар ўйинга 2-3 соат қолганда етиб келишди. Балки чарчоқ аломатлари кўринган бўлиши мумкин.

- Интервьюларингиздан бирида "Шўртан" футболчиларининг тезлиги сизни қониқтирмаётгани ҳақида айтгандингиз. Бу холат қайси ўйинларда панд берди?

- Футболда тезлик ва фақат тез югуриш, тез чопишдан иборат эмас. Бунда тез фикрлаш, тез қарор қабул қилиш ва тўп билан тезроқ ишлаш каби омиллар бор. Ҳозирги Про-лигада тезлик муҳим ўрин эгаллайди. 

- Муҳриддин Зоировни иккинчи бўлимда туширилишининг сабаби нимада?

- Айтиб ўтганимдек, айрим футболчиларимиз Универсиада-2022 мусобақасида иштирок этишмоқда. Муҳриддин ҳам бугун Термизда футбол учрашувида ўйнаганди. Шу боис уни захирадан майдонга туширдик.

- "Шўртан" иштирокидаги ўйинларда стадион мухлислар билан тўлмаётганини қандай изохлайсиз?

- Албатта, бу натижаларга ҳам боғлиқ. "Шўртан" аввал Суперлигада иштирок этган. Шу даврда қўшни шаҳар ва туманлардан мухлислар келишарди. Ҳозир Про-лигада ўйнаётгани сабаб фақат маҳаллий мухлислар ўйинларга ташриф буюришмоқда.