Анвар Бердиев: "Ҳакамнинг ҳуштаги билан бошланган ўйин унинг ҳуштаги билан якунланади"
25 апр 2021 21:34
Янгиликлар

Анвар Бердиев: "Ҳакамнинг ҳуштаги билан бошланган ўйин унинг ҳуштаги билан якунланади"

Ўзбекистон кубоги 2-туридан ўрин олган "Сурхон" - "Бухоро" (5:2) учрашувидан кейин меҳмонлар устози Анвар Бердиев ўз фикрларини билдирди.

"Барчага ассалому алайкум, Сизларни бу ерда кўриб турганимдан хурсандман. Аввало "Сурхон" жамоасини ғалаба билан табриклайман. Ўйин ҳақида гапирадиган бўлсам, бугун мени қўл остимда жамоа биринчи учрашувини ўтказди. Албатта дебютимда жамоа йирик ҳисобда мағлубиятга учраши ёқимсиз ҳолат бўлди. Футболчилар ҳисоб 0:2 бўлганидан сўнг, билмайман негадир жуда хотиржамликка берилиб, ўйинни қўйиб юборишди, балки осонгина ғалаба қозонамиз деб ўйлашгандир. Лекин бу жуда катта хато, ҳакамнинг ҳуштаги билан бошланган ўйин унинг ҳуштаги билан якунланади. Бу орада футбол ўйнаш керак, хотиржамликка берилиш ярамайди, диққатни бир жойга жамлай ололмасангиз рақиб сизни ҳар бир вазиятда жазолаши мумкин. Бугунги учрашув бунга мисол.

Мухлисларимиз олдида бугунги ўйин учун хижолатдаман. Ўйинни қайта кўриб чиқиб, хатолар устида ишлаб кейинги ўйинга тайёрланамиз", - дейди Анвар Бердиев.

Ҳавола :

Манба : championat.asia

Янгиликларни Телеграмда ўқинг!

Рейтинг: +3