Антонио Кассано: "35 ёшли Месси Аргентина терма жамоасини қўлидан ушлаб, дунё чўққисига олиб чиқди"

"35 ёшида у 7 та учрашувда 7 та гол урди ва 4 та голга пас узатди. Кимдир 35 ёшида чемпионатда шундай ўйин намойиш қилса, барча учрашувларда ҳал қилувчи таъсир кўрсата олса, худди шундай барқарор ўйнайдиган футболчи топилса, мен уни тинглашга тайёрман.

Аммо ҳеч ким ҳеч қачон бундай иш қилмаган. Қолаверса, бу яхши жамоада икки бола Энцо Фернандес ва Хулиан Альварес мусобақани захира ўриндиғида бошлади, Ди Мария эса фақат финалда ўзини кўрсатди.

Ва уларнинг ҳаммасини қўлидан ушлаб, дунёнинг чўққисига олиб чиқди. У ақлга сиғмайдиган иш қилди. У бир нечта позицияларда ўйнади, Гвардиола айтганидек, тўққизинчи, ўнинчи, ўн биринчи, еттинчи, саккизинчи ролда ўйнади. Ва у энг яхши бўлди.

Мен у учун, унинг оиласи учун хурсандман, улар Аргентинанинг олдинги мағлубиятлари туфайли жабр чекишди", – деди Кассано.