Ансу Фати – ЛаЛига'да учинчи, клуб тарихида эса биринчи
01 сен 2019 01:00
Янгиликлар

Ансу Фати – ЛаЛига'да учинчи, клуб тарихида эса биринчи

Испания чемпионатининг 3-турида «Барселона» сафарда «Осасуна» билан дуранг (2:2) ўйнади.

Баҳснинг иккинчи таймида каталонияликлар сафидаги Нелсон Самеду ўрнига майдонга ҳужумчи Ансу Фати туширилди ва у бир неча дақиқалардан кейин боши билан гол уриб, ўйиндаги мувозанатни тиклаганди. Мазкур аниқ зарба туфайли футболчи «Барселона» сафида ЛаЛига'да дебют голини урган энг ёш футболчига айланди. У бу натижага 16 ёш, 304 кунлигида эришди. Аввалги кўрсаткич эса Боян Кркичга (17 ёш, 53 кун) тегишли эди.

Шунингдек, Ансу Фати Испания чемпионати тарихида гол урган ёши энг кичик футболчилар орасида учинчи натижани қайд этди. Ундан юқорироқда эса Фабрис Олинга (16 ёш, 98 кун) ва Икер Муньяин (16 ёш, 289 кун) жой олган.