Андрей Микляев: "Ўйин жуда асабий ўтди"
21 апр 2017 21:43
Янгиликлар

Андрей Микляев: "Ўйин жуда асабий ўтди"

"Пахтакор" - "Локомотив" (1:2) учрашувидан сўнг ташкил этилган матбуот анжуманининг дастлабки қисмида "темирйўлчилар" бош мураббийи Андрей Микляев иштирок этди.

- Ўйин жуда асабий ўтди. Дерби айнан шундай руҳда ўтишини билгандик ва кутгандик. Ўйин давомида бир биз, гоҳида эса рақиб устунлик қилди. Жамоамиз ўйин жиҳатидан бир қатор камчиликларга йўл қўйди. Ҳозир камчиликлар хусусида гапиришни истамайман. Муҳими, асабий ўтган баҳсда қимматли уч очкони қўлга киритдик.

Ўйин тенг курашлар остида ўтди. Бизга ўз имкониятларимиздан унумли фойдаланганимиз қўл келди. Бу "Локомотив"га қўшимча куч ва ишонч бағишлайди, деб ўйлайман.
Бугун таркибимизда бир қатор ўзгаришлар рўй берди. Машариповнинг хизматидан фойдалана олмадик, Кападзе эса узоқ танаффусдан кейин майдонга қайтди.
Ҳакамлик? Бу борада гапиришни истамайман. Менимча, ҳар иккала пенальти ҳам бор эди, - дейди Микляев.

Ҳавола :

Манба : championat.asia

Янгиликларни Телеграмда ўқинг!

Рейтинг: -5