Александр Хомяков: "Ўйиндан эмас, натижадан қониқдим"
01 июл 2017 11:41
Янгиликлар
![](https://championat.asia/upload/storage/262083_original.jpg)
![](/upload/storage/262083_220.jpg)
Александр Хомяков: "Ўйиндан эмас, натижадан қониқдим"
- Чемпионат доирасидаги учрашув билан таққослаганда бугун ҳам биз ўйинимизда катта ўзгариш қилмасликка интилдик. Бугун ўйинимиздан қониқмаган бўлсамда, натижадан қониқдим дея оламан. 2-3 марта рақиб дарвозаси томон зарба беришга эришдик, бахтимизга улардан бири дарвозадан ўрин олди. Кубок ўйинларида асосий нарса ўйин эмас, керакли натижадир. Меҳмондаги гол биз учун муҳим эди. Бугун ҳам ҳимоявий ўйин намойиш этиб, рақибнинг кучсиз жиҳатларидан фойдаланишга ҳаракат қилдик. Бугун тўпни назорат қила олмаган бўлсакда, йигитларимизнинг иродаси туфайли ғалабага эришдик.
- Беш кун ичида «Динамо»га қарши иккита ўйин ўтказдинглар. Бу жамоа сизда қандай таассурот қолдирди?
- «Динамо» Олий Лигани кутилмаган натижалар билан бошлаган бўлсада, барчасини тасодиф деб бўлмасди. Жамоа курашувчанлиги ва ўйини билан яхши натижаларга эришганди деб ўйлайман. Жамоа оддий ўйин намойиш этган бўлсада, хоҳиш эвазига кўп жамоаларни мағлуб эта олди. Таркиб ёшлардан иборат эканлиги жамоанинг ютуғи деб ўйлайман.
- Жамоа сардори Зафар Тўраев ва тожикистонлик легионер Умеджон Шариповнинг икки ўйиндан буён майдонга тушмаётганлигини қандай изоҳлайсиз?
- Зафар Тўраев ўтган ўйинда жароҳат олиб, тикланишга улгурмади. Шу боис бугун уни майдонга тушира олмадим. Умеджон Шариповга келадиган бўлсам, у оилавий шароитига кўра Тожикистонга қўйиб юбордик. Унинг кейинги тақдирини давралар оралиғида кўриб чиқамиз.
Ўхшаш янгиликлар
![AMP Logo](https://championat.asia/image/logo-amp.png)
Фикрлар