UZ

Сўнгги янгиликлар

03:02Ла Лига. "Барселона" "Атлетико"ни даҳшатли камбэк эвазига мағлуб этди  70 01:39Педру Морейра: "Бизнинг ўйин услубимизни яхшироқ тушунадиган футболчиларга кўпроқ имконият берамиз"  4 00:31Иско АПЛга йўл олиши мумкин  5 23:48Журналист Элиас: "Бюджети 1,1 млрд евро бўлган "Реал" устози Анчелотти 72 соатлик танаффуссиз ўйиндан шикоят қилди. Бюджети 200 млн евродан кам бўлган "Бетис" ҳозиргача 11та шундай ўйин ўтказди"  18 23:33Миржалол Қосимов: "Рақибимиз баҳсни уч нафар марказий ҳимоячи билан бошлашимизни кутмаган эди"  8 23:31Англия лига кубоги. "Ньюкасл" финалда "Ливерпуль"ни мағлуб этиб, бош совринга эга чиқди  32 22:55"Лестер" — "Манчестер Юнайтед". 15 ва 19-ўриндаги жамоалар ўртасидаги ўйин учун таркиблар маълум  7 22:36Эрон Про лигаси. "Истиқлол" сўнгги дақиқаларда урилган гол эвазига мағлубиятдан қутулиб қолди, Машарипов тўлиқ ҳаракат қилди  1 22:20Суперлига. "Навбаҳор" ва "Хоразм" сафарда ғалаба қозонди, "Пахтакор" эса Олмалиқда ютқазди  7 21:58А Серия. "Рома" Довбикнинг голи эвазига "Кальяри"ни мағлуб этди, Шомуродов захирадан майдонга тушди  20 21:55"Ризеспор" баёноти: Ҳусниддин Алиқуловнинг бурни ва яноқ суягида синиш аниқланди  26 21:55Суперлига. ОКМК ўз майдонида "Пахтакор"дан устун келди  85 21:50Гризманнинг "Лос-Анжелес" билан музокаралари ривожланган босқичда, француз оилавий сабабларга кўра МЛСга йўл олади. "Атлетико" бунга қаршилик қилмайди  0 21:28Суперлига. Голларга бой ўйинда "Навбаҳор" "Сўғдиёна"ни мағлуб этди  83 21:25Озарбайжон чемпионати. "Сумқайит" меҳмонда етакчилардан бирини мағлуб этди, Абдихолиқов ғалаба голини урди!  12

Александр Хомяков: “Динамо”да ёрқин номлар йўқ, аммо жамоа бор” Янгиликлар

Александр Хомяков: “Динамо”да ёрқин номлар йўқ, аммо жамоа бор”

Ўзбекистон Лига Кубоги чорак финали доирасидаги “Динамо” – “Андижон” (2:1) учрашувидан кейин дастлаб меҳмонлар устози Александр Хомяков ўйин ҳақида тўхталди.

- Бугун томошабоплиги бўйича ҳам, шиддат борасида ҳам яхши ўйин бўлди, дея оламан. Афсуски, мағлуб бўлиб, турнирни тарк этдик. Тўғри, бугун зич тақвим графиги сабабли, бир қатор футболчиларга дам олиш имконини бергандик, аммо шунга қарамай, йигитлар ёмон ўйин намойиш этишмади. Иккинчи бўлимда гол ўтказиб юборган бўлсак-да, жамоам курашдан четда қолмади ва охиригача жанг қилди, дейиш мумкин. Нима ҳам дердим, “Динамо”ни ярим финалга чиққани билан табриклайман ва кейинги ҳал қилувчи ўйинларда омад тилаб қоламан.

Рақиб жамоа ҳақида? “Динамо” жамоаси таркибидаги номлар билан эътиборга тушмаса-да, курашувчанлиги, ўйинида мураббийнинг имзоси борлиги билан ҳам ҳурматга сазовор жамоадир. Жамоа ҳар қандай рақиб билан майдонда қўрқмай, кураша олади. Таркибида ёрқин номлар йўқ, аммо жамоа бор, дейиш мумкин.

“Андижон” ўйини менинг қўл остимда ижобий томонга ўзгараётгани ҳақида эшитиш ёқимли бўлса-да, ўз фикримни билдирадиган бўлсам, мен ўз жамоамнинг ўйини янада яхшиланишини кутаяпман ва бунинг учун ҳали кўп ишлашимизга тўғри келади. Мен ҳали жамоам ўйинида катта ўзгаришлар кўраётганим йўқ. Биз ўйиндан-ўйинга кучайиб боришимиз шарт.

Чинданам, якшанба куни “Навбаҳор”га қарши “Андижон”ни жуда ҳам муҳим баҳс кутиб турибди. “Водий дербиси” доим шиддатли ўтиши барчага маълум. Таркибда ротация бўлиши аниқ. Сабаби биз кўп футболчиларимизга дам бердик, улар “Навбаҳор”га қарши ўйинда янгича иштиёқ билан майдонга тушишларини кутаяпман. Ўйлайманки, “Водий дербиси”да “Навбаҳор” фаворит саналади. “Андижон” эса мухлислари қаршисида бор куч ва имкониятини ишга солади. Икки жамоани ҳам осон бўлмаган ўйин кутаяпти.

Усмон Ибодов ёзиб олди.

 

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика