Александр Мочинов: "Сафардаги биринчи ғалаба жуда ҳам ёқимли"

"Андижон" жамоасини анчадан буён биламан. Бу жамоанинг мухлислари жуда ҳам машҳур. Бугун тенг ўйинда омад туфайли биз ғолиб бўлдик. Ўз шогирдларимга раҳмат айтаман. Бобур Зуҳриддиновнинг бугунги ғалабада жуда катта хиссаси бор. У ҳеч қаерга кетгани йўқ. Шунчаки у билан бирга жамоани бошқаришда давом этамиз.

Тўғри ҳаво жуда иссиқ эди, аммо жамоа ғалабага муносиб ўйин кўрсатди ва 3 очкони қўлга киритдик.

Сафардаги илк ғалаба? Биринчи ғалаба доим ёқимли. Бугун шогирдларим кўрсатмаларни 60 фоизга тўғри бажаришди. Футболда ҳеч қачон 100 фоиз аниқ ўйнамайди. "Обод"даги деярли барча футболчи билан олдин ишлаганман. Бизнинг бу йилги мақсадимиз олий лигада қолиш ва ўз ўрнига эга бўлиб олиш. Таркибдаги кўплаб ёшлар биринчи марта олий лигада ўйнашмоқда. Ёзда албатта таркибни кучайтирамиз. Аммо бу борада жуда эҳтиёт бўламиз. Ҳар бир ўйинчини яхшилаб танлаб оламиз", - дейди Мочинов.