А Серия. Иммобиле “Лацио” тарихидан жой олди

Мезбонлар сафида ягона голни 58-дақиқада пенальтидан Чиро Иммобиле урди. У мусобақадаги голлари сонини 144 тага етказиб, “Лацио”нинг А Сериядаги энг яхши тўпурарига айланди. Аввалги рекорд эса Сильвио Пиолага тегишли эди.

Пиола 1934-1943 йилларда 156 ўйинда қатнашиб, 143 та гол урган бўлса, Иммобиле 144 та тўпни киритиши учун 201 учрашувда қатнашишга тўғри келди. 32 ёшли италиялик 2016 йилдан бери “бургутлар” шарафини ҳимоя қилади.