А Серия. Бугун "Милан" майдонга тушади

Турни "Эмполи" - "Милан" учрашуви тугатиб беради.

Ушбу турда фаворит саналадиган жамоаларнинг деярли барчаси ғалаба қозонди ва бу миланликлар ҳам 3 очкони қўлга киритишлари шартлигини англатади.

"Эмполи" чемпионатни "Кальяри" устидан қозонилган ғалаба (2:1) билан бошлади. Аммо, уёғига жамоа ғолиблик нима эканлигини билмай келмоқда: "Кьево" (0:0), "Лацио" (0:1), "Женоа" (1:2) ва "Сассуоло" (1:3).

"Милан" ўтган тур ўз майдонида "Аталанта" билан жанговар дуранг (2:2) натижа қайд этган эди. Олдинроқ, хабар берганимиздек бугун катта эҳтимол билан "қизил-қоралар"нинг асосий ҳужумчиси Гонсало Игуаин майдонга тушмайди. Лекин, айрим итальян нашрлари бугунги ўйин учун берган тахминий таркибларига Игуаинни киритишган. Эҳтимол, бугун эрталаб ўтказилган тиббий текширувдан сўнг аргентиналик форварднинг майдонга тушишиша руҳсат берилар.

"Милан" яхши позицияга чиқиб олиш учун ғалаба қозониши шарт. Лекин, бугунги рақиб бироз ноқулай ҳисобланади. Бу жамоаларнинг охирги 5та қарама-қаршилигидан учтасида дуранг қайд этилган, икки бор эса "Милан" ғалаба қозонган.

Тахминий таркиблар:

"Эмполи": Терракиано, Ди Лоренцо, Сильвестре, Майетта, Весели, Беннасер, Капеззи, Крунич, Траоре, Ла Гумина, Капуто.

"Милан": Жанлуижи Доннарумма, Абате, Мусаккьо, Романьоли, Родригес, Кессие, Биглия, Бонавентура, Сусо, Чалҳаноглу, Кутроне (Игуаин).

А Серия
6-тур натижалари

"Интер" - "Фиорентина" 2:1
"Удинезе" - "Лацио" 1:2
"Аталанта" - "Торино" 0:0
"Женоа" - "Кьево" 2:0
"Ювентус" - "Болонья" 2:0
"Наполи" - "Парма" 3:0
"Рома" - "Фросиноне" 4:0
"Кальяри" - "Сампдория" 0:0

Бугун

22:00. СПАЛ - "Сассуоло"
00:00. "Эмполи" - "Милан"