Бразилия — Аргентина учрашуви тўхтатилди

Ўйин пайтида Бразилия полиция ходимлари карантин қоидаларини бузган тўрт нафар аргентиналик футболчини ушлаб қолиш учун майдонга чиқишди.

Гумон қилинаётган тўрт киши — дарвозабон Мартинес, ҳимоячи Ромеро, ярим ҳимоячилар Ло Челсо ва Буэндиа.

Гап шундаки, Буюк Британиядан Бразилияга келган ҳар бир киши 14 кунлик карантиндан ўтиши керак ва уларнинг тўрттаси ҳам Премьер-лигада ўйнайди.

Аргентиналиклар шундан сўнг дарҳол кийиниш хонасига қараб йўл олди.

Венесуэлалик ҳакамлар гуруҳи меҳмон жамоадан кейин майдонни тарк этишди.