Флорентино Перес: "Роналду ва Моуринью — икки эси паст"

Переснинг ушбу сўзлари туширилган ёзув 2012 йил октябрь ойида айтиилган.

"Роналду ақлдан озган. Бу аҳмоқ, касал йигит. Сиз уни нормал деб ўйлайсиз, лекин у нормал эмас, у ҳамма бажарадиган нарсани бажармайди.

У қилган охирги аҳмоқликни бутун дунё кўрди. Нима учун у бундай аҳмоқона ишларни қилади деб ўйлайсиз?" - дейди Перес ёзувда.

Менежер "аҳмоқлик" ҳақида гапирганда, Роналдунинг 2012 йил сентябрь ойида айтган сўзларини назарда тутади. "Гранада"га қарши ўйиндан сўнг Криштиану Мадрид клубда бахтсиз бўлганлиги учун голларни нишонламаслигини айтган.

"Моуринью ва Роналду ёвуз эгоистлар. Иккиси ҳам ҳақиқатни кўрмаяпти. Иккаласи ҳам бошқача бўлса, бундан-да кўпроқ пул ишлашлари мумкин. Иккита эси паст. Гап кўп пул ҳақида кетмоқда, чунки бу имидж ҳуқуқларида бор. Уларда шундай қиёфа борки, ҳеч кимга ёқмайди. Бу антиреклама.

Эслатиб ўтамиз, Роналду 2009 йилда "Манчестер Юнайтед"дан "Реал"га ўтган эди. 2012 йил октябргача у Мадрид клуби билан Ла Лига, Испания кубоги ва Суперкубогини ютди.

Моуринью 2010 йилда "Реал"ни қабул қилиб олган ва 2013 йилгача клубда ишлаган. У жамоа билан учта совринни қўлга киритганди.