UZ

Сўнгги янгиликлар

14:29Давид Алаба рақобат туфайли "Реал"ни тарк этиши мумкин  2 14:02Флик Эрик Гарсияни "Барселона"да қолишга кўндирган  0 13:34Компани кейинги мавсумда Мюллерни "Бавария" таркибида кўрмаяпти  3 13:03Суперлига = "Автобуслар лигаси"  3 12:37Суперлига. 4-тур дисквалификациялари: "Навбаҳор" ва "Андижон" 1 нафардан йўқотишга эга  0 12:23Айбек Нурбаев: "Ўз хатоларимиз эвазига голлар ўтказиб юбордик"  1 12:11Неъматилло Қуттибоев: "Йирик ҳисобда ғалаба қозонган бўлсак ҳам камчиликларимиз йўқ эмас"  0 11:50Афсонавий Кафу Қозоғистонга келди  3 11:20ФИФА президенти Клублар ўртасидаги ЖЧнинг 32-жамоаси қачон аниқ бўлишини маълум қилди  3 10:47«Рома» афсонаси АПЛ жамоасини бошқариши мумкин  0 10:15«Астон Вилла» «Реал» футболчисига жиддий қизиқмоқда  0 09:40УEФА президенти ЖЧ иштирокчилар сонини 64 та оширишга қарши  8 09:04Суперлига 4-тур. "Қалдирғочлар" парвози давом этадими? "Андижон" биринчи ғалабасига яқин, водий дербиси ва бошқа ўйинларга тахминлар  7 09:03«Реал» «Манчестер Сити» етакчиларидан бирини сотиб олмоқчи  3 08:31Кевин де Брюйне дунёнинг энг бой жамоаларидан бирига ўтиши мумкин  3

Улуғбек Бақоев: "Саҳоб Рашидов учун хурсандман. Унга миллий терма жамоада ўйнашини тилайман" Янгиликлар

Улуғбек Бақоев: "Саҳоб Рашидов учун хурсандман. Унга миллий терма жамоада ўйнашини тилайман"

"Сўғдиёна" - "Бухоро" (3:1) учрашувидан кейин мезбонлар бош мураббийи Улуғбек Бақоев ўз фикрларини билдирди.




"Андижон" билан дуранг ўйнади, Наманганда ютқаздик, йигитлар кичик руҳий ўрага тушиб қолишганди. Шу боис футболчиларимга раҳмат. Бугун нима қилиб бўлса ҳам ютишимиз керак эди. Бугун меҳмонлар посбони ажойиб сейвларни амалга оширди. Ғалаба билан мухлисларимизни табриклайман", - дейди Улуғбек Бақоев.

- Бугун Саҳоб Рашидовга имкон бердингиз. Кейинги ўйинларда ҳам жиззахлик ёшларга кўпроқ имкон беришингизни тилайман.

- Барчамиз Ўзбекистонда яшаймиз. Нима учун маҳаллий ёки бошқа вилоятли футболчиларга ажратишимиз керак? Агар статистикага қарасангиз 99 фоиз ўйинчилар майдонга тушишмоқда. Фақат Ойбек Нурматов жароҳати боис майдонга тушмаяпти.

- Саҳоб Рашидов ҳақида фикрингиз... Жиззахда бўлган аввалги ўйинда сўраганимда ёшларга имконият бериш ҳақида айтгандингиз. Балки яна бошқаларни ҳам жалб қиларсиз...

- Агар машғулот жараёни ва олдинги ўйинларга эътибор қилсангиз биз футболчиларнинги жисмоний ҳолатини ҳисобга оламиз. Намангандаги ўйиндан кейин 5 нафар ўзгаришни амалга оширдик. Сабаби толиқиш кучли бўлди. Саҳоб Наманганда нега майдонга тушмади? Шамоллаб қолганди. Бугун унга имкон бердим ва гол урганидан хурсандман. Унга омад тилайман ва миллий терма жамоа даражасига чиқишини тилайман.

- Бугунги ўйинда дарвозабонни ўзгартирдингиз. Аввалги ўйин Милан Митрович олдинга чиқиб кетиб хато қилди ва гол ўтказганди. Бу қарорга келишингизга шу ҳолат сабаб бўлдими?

- Йўқ, шунчаки йигитлар руҳий ўрадан чиқиб олишларини хоҳладик. Кимдир хато қилгани учун захирада қолмади. Футболчи ўзига келиб олади ва яна ўйнашда давом этади. Бу футбол. Ким гол ура олмаса ва кўпроқ хато қилса ютқазади.

- Ширинбой Абдуллаев ишончингизни оқлай олдими?

- Ҳа яхши ўйнади. Беш балли тизимда беш балл қўямиз.

- Искандар Шойқулов ҳақида фикрларингиз.

- Биз бир жамоамиз. Алоҳида футболчиларга тўхталиб ўтмоқчи эмасман. Йигитларни ғалаба билан табриклайман.

Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика